ICC વર્લ્ડ ટેસ્ટ ચૅમ્પિયનશિપની ફાઈનલ માટે ટીમ ઈન્ડિયાની જાહેરાત થઈ ગઈ છે. ચીફ સિલેક્ટર ચેતન શર્માના નેતૃત્વમાં સિલેક્શન કમિટી 20 પ્લેયર્સની ટીમ સિલેક્ટ કરી છે. જેમાં 6 ફાસ્ટ બોલર અને 3 સ્પિનર્સને તક અપાઈ છે.
ICC વર્લ્ડ ટેસ્ટ ચૅમ્પિયનશિપની ફાઈનલ ટીમ જાહેર
ચેતન શર્માના નેતૃત્વમાં સિલેક્શન કમિટીએ ખેલાડીઓની કરી પસંદગી
હાર્દક પંડ્યા અને પૃથ્વી શૉ આઉટ
ટીમમાં રવિન્દ્ર જાડેજા અને હનુમા વિહારની ઈજા બાદ વાપસી થઈ છે, જ્યારે હાર્દિક પંડ્યા અને પૃથ્વી શૉને સિલેક્શન કમિટીએ નજરઅંદાજ કર્યા છે. ભારત અને ન્યૂઝીલેન્ડ 18 જૂને પહેલી વખત થઈ રહેલી ટેસ્ટ ચેમ્પિયનશીપની ફાઈનલમાં ટકરાશે. આ મૅચ સાઉથમ્પટનના દ અજેસ બાઉલ સ્ટેડિયયમાં રમાશે.
WTC ફાઈનલ બાદ ભારતીય ટીમને ઈંગ્લેન્ડમાં ઓગસ્ટમાં 5 ટેસ્ટની સીરિઝ પણ રમાવાની છે. આવામાં ફાઈનલની સાથે-સાથે આ જ ટીમ ઈંગ્લેન્ડ વિરુદ્ધ પણ ભાગ લેશે. આ કારણથી જ BCCI મોટું સ્કવૉડ મોકલવા માંગતુ હતું જેથી પ્રેક્ટિસ મેચના અભાવે ખેલાડીઓ અંદરોઅંદર પ્રેક્ટિસ કરી શકે.