સફળતા / ભારતની ‘પરમ સિદ્ધિ’ને વિશ્વના 500 સુપર કોમ્પ્યૂટરની યાદીમાં મળ્યું 63મું સ્થાન

• પુરગ્રસ્ત વિસ્તારોમાં પૂર્વાનુમાન લગાવી શકાશે
• સુપર કોમ્પ્યૂટરના સેક્ટરમાં ભારત દુનિયાની સૌથી મોટી અવસંરચનાઓના કેન્દ્રમાંનું એક છે
• આ ઐતિહાસિક ક્ષણ છે.

વિજ્ઞાન અને ટેક્નોલોજી વિભાગ (ડીએસટી)એ મંગળવારે આ જાણકારી આપી હતી. ડીએસટીના સચિવ આશુતોષ શર્માએ કહ્યું કે આ ઐતિહાસિક ક્ષણ છે. સુપર કોમ્પ્યૂટરના સેક્ટરમાં ભારત દુનિયાની સૌથી મોટી અવસંરચનાઓના કેન્દ્રમાંનું એક છે અને આ પરમ સિદ્ધિ -એઆઈના રેકિંગે સાબિત કરી આપ્યું છે. 

તેમણે કહ્યું કે મને વિશ્વાસ છે કે પરમ સિદ્ધિ એઆઈથી અમારા રાષ્ટ્રીય એકેડેમિક, વિકાસ તથા અનુસંધાન સંસ્થાન મજબૂત થશે. આ ઉપરાંત રાષ્ટ્રીય જ્ઞાન નેટવર્ક પર ફેલાયેલા ઉદ્યોગ અને સ્ટાર્ટઅપને પણ લાભ મળશે. ડીએસટીએ કહ્યું કે એઆઈ પ્રણાલીથી સ્વાસ્થ્ય સેવાઓને લાભ થશે અને પુરગ્રસ્ત વિસ્તારોમાં પૂર્વાનુમાન લગાવી શકાશે.