ભારતની સૌથી મોટી ઉંમરના બસંત કૌરનું નિધન થયું છે. પરિવારના કહ્યાં અનુસાર તેમની ઉંમર 132 વર્ષ હતી અને વોટર આઇડી કાર્ડમાં 124 તેમ છતાં તે ભારતના સૌથી મોટી ઉંમરના વ્યક્તિ હતા.
ભારતના સૌથી મોટી ઉંમરના બાનું નિધન
132 વર્ષના હતા બસંત કૌર
ક્યારેય ડૉક્ટર પાસે નથી ગયા બસંત કૌર
બસંત કૌર જલંધરના સાબૂવાલ ગામના રહેવાસી હતી. હેરાનીની વાત તો તે છે કે તે ક્યારેય ડૉક્ટર પાસે ગયા નથી. આટલી ઉંમર હોવા છતાં તેમને ગળ્યું ખાવું ગમતું હતું, તેમને કોઇ શુગર કે બ્લડ પ્રેશર કોઇ જાતની બીમારી નહોતી. કહેવામાં આવી રહ્યું છે કે બુધવારે તેમણે પરિવાર સાથે ભોજન લીધુ અને 15 મિનીટ બાદ તેમનું નિધન થયું હતુ.
પતિનું 105 વર્ષની ઉંમરે મોત
બસંત કૌરના પતિ જ્વાલા સિંહનું નિધન 105 વર્ષની ઉંમરમાં 1995માં થયુ હતુ. તેમના 5 બાળકોનું પણ નિધન થયુ છે. તેમનો મોટો દિકરો 95 વર્ષની વયે ગુજરી ગયો હતો. બસંત કૌર હંમેશા પોતાને કોસતી હતી કે ભગવાન મને ભૂલી ગયો લાગે છે. મારા બાદની 2 પેઢીના લોકો દુનિયા છોડી ગયા છે પરંતુ હું હજુ જીવી રહી છું.
3 સદી જોનાર ભારતની પહેલી મહિલા
બસંત કૌર ત્રણ સદી જોનારી ભારતની પહેલી મહિલા છે. તેમનો જન્મ 19મી સદીમાં થયો હતો અને લગ્ન 20મી સદીમાં થયા હતા. 21મી સદી જોઇને તેમણે દુનિયાને અલવિદા કહી દીધુ હતુ. તેમણે બ્રિટીશ રાજથી લઇને ભારત-પાકિસ્તાન વિભાજન પણ જોયું છે. તેમણે એક ઇન્ટરવ્યૂમાં કહ્યું કે 1947માં ભારત-પાકિસ્તાનની લડાઇ બાદ તે બાળકોને લઇને પિયર જતાં રહ્યાં હતા જ્યારે તે પરત ફર્યા તો તેમને મુસ્લિમ પાડોશીઓ પાકિસ્તાન જતા રહ્યાં હતા.
5 પેઢી જોઇને ગયા
બસંત કૌરનો સૌથી નાનો દિકરો સરદારા સિંહ અને પત્ની કુલવંત કૌરનું કહેવું છે કે અમે કિસ્મતવાળા છીએ કે તેમની સેવા કરવાનો અવસર પ્રાપ્ત થયો. તેમણે ક્યારેય હિંમત હારી નથી. હવે ખબર નહી આગળ શું થશે. બસંત કૌર પોતાની 5મી પેઢી સાથે રહેતા હતા. ો