ભારતના પૂર્વ ફર્સ્ટ ક્લાસ ક્રિકેટર વસંત રાયજીએ ખરા અર્થમાં સેન્ચ્યુરી નોંધાવી હતી. તેઓએ આ રવિવારે પોતાની 100મી વર્ષગાંઠ ઉજવી હતી.
રાયજીના જન્મદિવસ નિમિત્તે સચિન તેંડુલકર અને સ્ટીવ વોએ હાજરી આપી
રાયજીએ CK નાયડુ, વિજય હઝારે જેવા દિગ્ગજ ખેલાડીઓ સાથે ડ્રેસિંગ રૂમ શેર કર્યો છે
રાયજી એક જમણેરી બેટ્સમેન હતા. તેઓએ 1940ના દાયકામાં 9 ફર્સ્ટ ક્લાસ ક્રિકેટ મેચો રમી હતી. તેમણે કુલ 277 રન નોંધાવ્યા હતા જેમાં 68 તેમનો હાઈએસ્ટ સ્કોર હતો.
રાયજી પોતે એક ઇતિહાસકાર પણ છે. ભારતીય ક્રિકેટ ટીમ જયારે સાઉથ બોમ્બેના બોમ્બે જીમખાનામાં પોતાની પહેલી ટેસ્ટ રમ્યું ત્યારે તેઓ 13 વર્ષના હતા. આમ ભારતીય ક્રિકેટ ટીમના સંપૂર્ણ ઇતિહાસના તેઓ સાક્ષી છે.
ફર્સ્ટ ક્લાસ ક્રિકેટમાં તેઓ બોમ્બે (હવે મુંબઈ) અને બરોડા તરફથી રમ્યા છે.
ભારતના શ્રેષ્ઠતમ ક્રિકેટર સચિન તેંડુલકર અને ઓસ્ટ્રેલિયાના પૂર્વ કેપ્ટન સ્ટીવ વોએ રાયજી સાથે તાજેતરમાં મુલાકાત કરી હતી અને તેમને શુભેચ્છાઓ પાઠવી હતી.
Wishing you a very special 1⃣0⃣0⃣th birthday, Shri Vasant Raiji.
Steve & I had a wonderful time listening to some amazing cricket 🏏 stories about the past.
Thank you for passing on a treasure trove of memories about our beloved sport. pic.twitter.com/4zdoAcf8S3
"100માં જન્મદિન નિમિત્તે શ્રી વસંત રાયજીને ખૂબ ખૂબ અભિનંદન. ભૂતકાળની અજાણી ક્રિકેટની વાતો જાણીને મને અને સ્ટીવને ખૂબ આનંદ થયો. આપણા સૌની મનગમતી રમત ક્રિકેટ વિષે આવી યાદોનો ખજાનો અમારી સાથે શેર કરવા બદલ ખૂબ ખૂબ આભાર."
નોંધનીય છે કે રાયજીએ લાલા અમરનાથ, વિજય મર્ચન્ટ, C K નાયડુ, વિજય હઝારે જેવા દિગ્ગ્જ ખેલાડીઓ સાથે ડ્રેસિંગ રૂમ શેર કર્યો છે.
રાયજીએ ઘણા પુસ્તકો લખ્યા છે. તેઓ દક્ષિણ મુંબઈના પોશ એરિયા વાલ્કેશ્વરમાં રહે છે.