ક્રિકેટ / સાઉથ આફ્રિકા સામેની વનડે માટે ટીમ ઈન્ડીયાની જાહેરાત, ઈજાગ્રસ્ત રોહિત આઉટ, રાહુલ કેપ્ટન

• સાઉથ આફ્રિકા સામેની ત્રણ વનડે મેચની સીરિઝ ટીમ ઈન્ડીયાની જાહેરાત
• ઈજાગ્રસ્ત રોહિત શર્માને પડતો મૂકાયો
• કેએલ રાહુલને ટીમનો કેપ્ટન બનાવાયો
• જસપ્રીત બુમરાહને વાઈસ કેપ્ટન 

19 જાન્યુઆરીથી શરુ થનાર સાઉથ આફ્રિકા સામેની ત્રણ વનડે માટે BCCIએ ટીમ ઈન્ડીયાની જાહેરાત કરી દીધી છે. BCCIએ ઈજાગ્રસ્ત રોહિત શર્માને પડતો મૂકીને કેએલ રાહુલને કેપ્ટન અને જસપ્રીત બુમરાહને વાઈસ કેપ્ટન બનાવ્યાં છે. 

TEAM : KL Rahul (Capt), Shikhar Dhawan, Ruturaj Gaekwad, Virat Kohli, Surya Kumar Yadav, Shreyas Iyer, Venkatesh Iyer, Rishabh Pant (wk), Ishan Kishan (wk), Y Chahal, R Ashwin, W Sundar, J Bumrah (VC), Bhuvneshwar Kumar,Deepak Chahar, Prasidh Krishna, Shardul Thakur, Mohd. Siraj

— BCCI (@BCCI) December 31, 2021

સાઉથ આફ્રિકા સામે 19 જાન્યુઆરીથી શરુ થશે પહેલી વનડે 

સાઉથ આફ્રિકાની સામે પહેલી વનડે 19 જાન્યુઆરીએ, બીજી વનડે 21 અને ત્રીજી વનડે 23 જાન્યુઆરી રમાનાર છે.

રોહિત શર્માને વનડે કેપ્ટન બનાવાયો હતો પણ ઈજાને કારણે BCCIએ બહાર કર્યો

BCCIએ રોહિત શર્માને વનડે કેપ્ટન બનાવ્યો હતો પરંતુ તેને ઈજા પહોંચી હોવાથી આરામ અપાયો છે અને તેને બદલે કેએલ રાહુલને કેપ્ટન બનાવ્યો છે. 

આફ્રિકા પ્રવાસ માટે વન ડે ટીમ
 કેએલ રાહુલ (કેપ્ટન), શિખર ધવન, રિતુરાજ ગાયકવાડ, વિરાટ કોહલી, સૂર્યકુમાર યાદવ, શ્રેયસ અય્યર, વેંકટેશ ઐયર, રિષભ પંત, ઇશાન કિશન, યુઝવેન્દ્ર ચહલ, રવિચંદ્રન અશ્વિન, વોશિંગ્ટન સુંદર, જસપ્રિત બુમરાહ (વાઈસ કેપ્ટન), ભુવનેશ્વર કુમાર, દીપક ચહર, પ્રસિદ્ધ કૃષ્ણા, શાર્દુલ ઠાકુર, મોહમ્મદ સિરાજ

ઘણા સમય બાદ શિખર ધવન અને રવિચંદ્રન અશ્વિન વનડેમાં પરત આવ્યાં 
શિખર ધવન અને રવિચંદ્રન અશ્વિન જેવા ખેલાડીઓ લાંબા સમય બાદ વન ડે ટીમમાં પરત ફરી રહ્યા છે. રવિચંદ્રન અશ્વિન તાજેતરમાં ટી-૨૦ ફોર્મેટમાં પાછો ફર્યો હતો અને ટી-૨૦ વર્લ્ડ કપ પણ રમ્યો હતો. શિખર ધવને શ્રીલંકા સામેની શ્રેણીની ટીમની કમાન સંભાળી હતી પરંતુ ત્યાર બાદ ભારતે પોતાની સેકન્ડ ક્લાસ ટીમને પ્રવાસ માટે મોકલી હતી.

વિરાટ કોહલી પર BCCIએ મૌન તોડ્યું 
વન ડે ટીમના કેપ્ટન તરીકે વિરાટ કોહલીની બરખાસ્તગી અંગે ચીફ સિલેક્ટર ચેતન શર્માએ જણાવ્યું કે ઘણા સમય પહેલા વિરાટ કોહીલને જણાવી દેવાયું હતું કે તેને કેપ્ટન પદેથી દૂર કરાઈ રહ્યો છે. વનડે સીરિઝની તો હવે જાહેરાત થઈ છે પરંતુ તે પહેલા કોહલીને આ અંગે જાણ કરી દેવાઈ હતી. ચેતન શર્માએ કહ્યું કે, વિરાટે વર્લ્ડકપ પહેલા જાહેરાત કરી ત્યારે બધાને આશ્ચર્ય થયું હતું. તમામ પસંદગીકારોએ વર્લ્ડ કપ સુધી રહેવાની અને નિર્ણય પર વિચાર કરવાની વાત કરી હતી.