ભારતનો એક પાડોશી દેશ છે જે એટલો સુંદર છે કે ત્યાંની સુંદરતા તમારું મન મોહી લેશે.એ ટુરિસ્ટ ડેસ્ટિનેશનનો 99 ટકા હિસ્સો સમુદ્રમાં છે અને દેશનો કુલ 1 ટકા ક્ષેત્રફળ પર જમીન છે.
ભારતનો એક પાડોશી દેશનો 99 ટકા હિસ્સો સમુદ્રમાં છે
સ્કુબા ડાઈવિંગ કરવા માટે પણ લોકો મોટી સંખ્યામાં માલદીવ જાય છે
ભારતની નજીક હોવા છતાં માલદીવ પર ચીનનો ઘણો પ્રભાવ છે.
દુનિયામાં એકથી એક ચઢિયાતાં ટુરિસ્ટ ડેસ્ટિનેશન છે. ઘણા તો એવા સુંદર છે જ્યાં વારંવાર ફરવા જવાનું મન થાય છે પણ શું તમને ખબર છે કે ભારતનો એક પાડોશી દેશ છે જે એટલો સુંદર છે કે ત્યાંની સુંદરતા તમારું મન મોહી લેશે.એ ટુરિસ્ટ ડેસ્ટિનેશનનો 99 ટકા હિસ્સો સમુદ્રમાં છે અને દેશનો કુલ 1 ટકા ક્ષેત્રફળ પર જમીન છે. આ દેશને જોવા માટે દેશ અને દુનિયામાંથી દર વર્ષે લાખો પ્રવાસીઓ ત્યાં આવે છે. તમને જણાવી દઈએ કે આ દેશનું નામ માલદીવ છે. મોટી વાત એ છે કે એક સમયે ભારતે માલદીવને દુશ્મન દેશથી બચાવવા માટે સૈન્ય કાર્યવાહી પણ કરી હતી. ભારતની નજીક હોવા છતાં માલદીવ પર ચીનનો ઘણો પ્રભાવ છે. હિંદ મહાસાગરના મહત્વના વિસ્તારમાં માલદીવ સ્થિત છે તેને કારણે ચીનની હાજરી પણ ભારત માટે મોટો ખતરો બની શકે છે.
માલદીવને દરિયા વિશે ઘણી ઓછી જાણકારી
માલદીવનું નામ સાંભળવામાં આવે છે ત્યારે સૌપ્રથમ મનમાં આવે , સુંદર ઓવરવોટર લક્ઝરી વિલા, સફેદ રેતીવાળા મોટા દરિયાકિનારા અને ઘણી બધી વોટર સ્પોર્ટ્સ પ્રવૃત્તિઓ. માલદીવ વેકેશન માટે વિશ્વના સૌથી પ્રખ્યાત સ્થળોમાંથી એક છે. સ્કુબા ડાઈવિંગ કરવા માટે પણ લોકો મોટી સંખ્યામાં માલદીવ જાય છે. આટલી મોટી સંખ્યામાં અંડરવોટર સ્પોર્ટ્સ એક્ટિવિટીઝ હોવા છતાં હાલ વૈજ્ઞાનિકો કહે છે કે માલદીવના પાણીની અંદરની ઇકોસિસ્ટમ વિશે હજુ ઘણું શીખવાનું બાકી છે.
હાઈટેક સબમર્સિબલ વડે દરિયા વિશે જાણશે વૈજ્ઞાનિકો
માલદીવની સરકાર અને યુકે મરીન રિસર્ચ ઇન્સ્ટિટ્યૂટ નેક્ટોને માલદીવના હજુ સુધી ન શોધાયેલા વિસ્તારોમાં દરિયાઈ સંશોધન શરૂ કર્યું છે. તેને નેક્ટોન માલદીવ્સ મિશન નામ આપવામાં આવ્યું છે જે 4 સપ્ટેમ્બરે શરૂ થશે. બે હાઇ-ટેક સબમર્સિબલ્સનો ઉપયોગ કરીને 30 મીટરથી નીચે વ્યાપક સંશોધન કરવાની યોજના ધરાવે છે. આમાંથી એક સબમર્સિબલ્સ દરિયાની નીચે 1000 મીટરની ઊંડાઈ સુધી જઈ શકે છે.
જો સમુદ્રનું સ્તર વધશે તો માલદીવ નહીં બચે
નેક્ટન તરફથી એક નિવેદનમાં કહેવામાં આવ્યું છે કે માલદીવ 99 ટકા સમુદ્ર છે. તે તેના કુલ વિસ્તારના માત્ર એક ટકા જમીન છે. આવી સ્થિતિમાં જો ગ્લોબલ વોર્મિંગના કારણે સમુદ્રનું સ્તર વધશે તો માલદીવનો બાકીનો વિસ્તાર પણ દરિયામાં ડૂબી જશે. આવી સ્થિતિમાં માલદીવની સરકારે પાણીની અંદરની માહિતી એકત્રિત કરીને સમયસર એક વ્યાપક બચાવ યોજના માટે પ્રયાસો શરૂ કર્યા છે.
ભારત માટે રણનૈતિક રૂપથી મહત્વનું છે માલદીવ
90 હજાર ચોરસ કિલોમીટરમાં ફેલાયેલો માલદીવ હિંદ મહાસાગરના ક્ષેત્રમાં ભારત માટે રણનૈતિક રીતે મહત્વપૂર્ણ દેશ છે. આ જ કારણ છે કે ભારતનો પ્રથમ પ્રયાસ માલદીવને તેની તરફ કરવાનો છે. માલદીવના દરિયાની સૌથી નજીક મિનીકોયનો ભારતીય ટાપુ આવેલ છે, તે માત્ર 100 કિલોમીટર દૂર છે. જે લક્ષદ્વીપની રાજધાની કાવરત્તીથી લગભગ 400 કિમી દૂર છે. કેરળના દક્ષિણ બિંદુથી માલદીવના આ ટાપુનું અંતર માત્ર 600 કિલોમીટર છે. આવી સ્થિતિમાં જો માલદીવમાં ચીનની હાજરી વધે છે તો તે ભારત માટે મોટો ખતરો બની શકે છે.
ચીને માલદીવને બોજાની ફસાવ્યું
વૈશ્વિક સ્તરે ભારતની વધતી પ્રતિષ્ઠાથી ડરી ગયેલા ચીને હિંદ મહાસાગરમાં સ્થિત ઘણા દેશોને તેના દેવાની જાળમાં ફસાવ્યા છે. તેમાં માલદીવ પણ સામેલ છે. ચીને માલદીવને જંગી લોન આપી છે. માલદીવમાં સત્તા પરિવર્તન પહેલા ચીન સમર્થિત સરકારે 2016માં બેઇજિંગને Feydhoo finolhu ટાપુ $4 મિલિયનમાં લીઝ પર આપ્યું હતું. તેની ગુપ્તતા જાળવવા ચીને બહારના લોકોના આવવા પર પણ પ્રતિબંધ લગાવી દીધો છે.