અભિનેતા જીતેન્દ્ર શાસ્ત્રીનુ નિધન થયુ છે. તેઓ નાના-નાના પાત્રમાં પણ જીવ નાખી દેતા હતા. અભિનેતા જીતેન્દ્ર શાસ્ત્રીને બ્લેક ફ્રાઈડેથી લઇને ઈન્ડિયાઝ મોસ્ટ વોન્ટેડ સુધી ઘણી ફિલ્મોમાં તેના સુંદર પ્રદર્શન માટે ઓળખવામાં આવે છે. અભિનેતાના નિધનના સમાચાર પર તેમના સહ-કલાકારોએ શ્રદ્ધાંજલિ અર્પણ કરી છે.
થિયેટર આર્ટીસ્ટ તરીકે બનાવી ઓળખ
અભિનેતા જીતેન્દ્ર શાસ્ત્રી માત્ર ફિલ્મના પડદા પર નહીં, પરંતુ થિયેટરની દુનિયામાં પણ જાણીતા હતા. તેમણે નેશનલ સ્કૂલ ઑફ ડ્રામા પરથી અભિનય શીખ્યો હતો. જીતેન્દ્ર શાસ્ત્રીએ લજ્જા, દોડ, ચરસ, બ્લેક ફ્રાઈડે જેવી ઘણી ફિલ્મોમાં કામ કર્યુ હતુ. તેમને ખાસ કરીને વર્ષ 2019માં રિલીઝ થયેલી ફિલ્મ ઈન્ડીયાઝ મોસ્ટ વોન્ટેડ માટે ખૂબ વખાણ થયા હતા. આ ફિલ્મમાં તેમણે નેપાળમાં બેઠેલા એક ઈનફોર્મરનો રોલ નિભાવ્યો હતો. જે એક કુખ્યાત આતંકવાદીને પકડવામાં મદદ કરે છે.
जीतू भाई आप होते तो आप कुछ ऐसा बोलते, " मिश्रा sometimes क्या होता है ना कि, mobile में नाम रह जाता है, और इंसान network से out हो जाता है ", you are out of the world, but will always remain in network of my mind and heart 😔🙏 Om Shanti 🙏 pic.twitter.com/XWP78ULCiO
અભિનેતા સંજય મિશ્રાએ તેના ટ્વિટર પરથી જીતેન્દ્ર શાસ્ત્રી સાથે તેનો એક જૂનો વીડિયો શેર કર્યો છે. તેમણે આ વીડિયોને શેર કરતા લખ્યું, જીતુ ભાઈ તમે હોત તો કઈક એવુ બોલ્યા હોત. મિશ્રા ક્યારેક શું થાય કે મોબાઈલમાં નામ રહી જાય છે અને માણસ નેટવર્કમાંથી આઉટ થાય છે. તમે આ દુનિયામાં રહ્યાં નથી. પરંતુ મારા દિલ અને મગજના નેટવર્કમાં હંમેશા રહેશો. ઓમ શાંતિ.