કોરોના વાયરસના કારણે દેશમાં 21 દિવસના લોકડાઉનની જાહેરાત કરવામાં આવી છે. લોકડાઉનના પગલે ઘરમાં લોકોના મનોરંજન માટે વિવિધ જૂની સિરિયલને ફરીથી ટેલિકાસ્ટ કરવાનો નિર્ણય લેવામાં આવ્યો છે. જેને ખૂબ સારો પ્રતિભાવ પણ મળી રહ્યો છે ત્યારે હવે જૂની મેચની હાઈલાઈટ ડીડી સ્પોર્ટસ પર ફરીથી પ્રસારિત કરવાનો નિર્ણય લેવામાં આવ્યો છે.
2000નાં દાયકાની યાદગાર મેચો બતાવવામાં આવશે
મંગળવારના રોજ 2003 ટ્રાઈ સીરિઝની 3 મેચોની હાઈલાઇટ્સ
8 દિવસોમાં કુલ 20 મેચની હાઈલાઇટ્સ બતાવવામાં આવશે.
લોકડાઉનના પગલે ઘરમાં જ રહેતા ક્રિકેટરસિયાઓ માટે ડીડી સ્પોર્ટસ દ્વારા મહત્વની જાહેરાત કરવામાં આવી છે. હવે આવતીકાલ સાતમી એપ્રિલથી ડીડી સ્પોર્ટસ પર 2000નાં દાયકાની યાદગાર મેચો બતાવવામાં આવશે. ભારત સરકાર અને બોર્ડ ઓફ કંટ્રોલ ફોર ક્રિકેટ ઇન ઈન્ડિયાએ ભેગા થઇને આ નિર્ણય લીધો છે. જે બાદ ક્રિકેટપ્રેમીઓમાં જૂની મેચ જોવાનો ઉત્સાહ વધી ગયો છે. આવતીકાલથી તબક્કાવાર વિવિધ યાદગાર મેચ બતાવવામાં આવશે.
મંગળવારના રોજ ભારત-ઓસ્ટ્રેલિયા-ન્યૂઝીલેન્ડ 2003 ટ્રાઈ સીરિઝની 3 મેચોની હાઈલાઇટ્સ પ્રસારિત કરવામાં આવશે. આ મેચ ભારત 37 રને જીત્યું હતું. અને ફાઈનલ મેચ ઓસ્ટ્રેલીયા 37 રને જીત્યું હતું. મેચમાં સચિન અને લક્ષમણે રન ફટકાર્યા હતા જેમાં સૌથી વધુ લક્ષમણે 102 તથા સચિન તેંડુલકરે 100 કર્યા હતા. આ મેચ ભારત ડકવર્થ લુઇસ નિયમના કારણે હર્યું હતું.
આવતીકાલથી 8 દિવસોમાં કુલ 20 મેચની હાઈલાઇટ્સ બતાવવામાં આવશે. જેમાં 19 વનડે અને એક ટેસ્ટ મેચનો સમાવેશ થાય છે. તથા 13મી એપ્રિલના રોજ વર્ષ 2001ની યાદગાર મેચ બતાવવામાં આવશે જેમાં કોલકાતા ટેસ્ટમાં લક્ષમણે ઐતિહાસિક ઇનિંગ્સ રમી હતી. છેલ્લા દિવસે 14 એપ્રિલના રોજ ભારત-શ્રીલંકા વચ્ચે 2005માં રમાયેલી વનડે બતાવવામાં આવશે.