વિવાદ / 'બધું ફ્લોમાં થઈ ગયું...', સમય રૈનાએ મહારાષ્ટ્ર સાયબર સેલને આપ્યું નિવેદન, સ્વીકારી ભૂલ

લોકપ્રિય શો 'ઇન્ડિયાઝ ગોટ લેટેન્ટ' માં થયેલા વિવાદની ચર્ચા હજુ અટકી નથી. સોમવારના રોજ, આ વિવાદમાં ફસાયેલા પોપ્યુલર કોમેડિયન સમય રૈના સાયબર સેલ સમક્ષ હાજર થયા. ત્રીજા સમન્સ પછી સમયે સાયબર સેલને પોતાનું નિવેદન આપ્યું. આ દરમિયાન સમયે શું કહ્યું, ચાલો જાણીએ.

સમયે તેના નિવેદનમાં શું કહ્યું?

મહારાષ્ટ્ર સાયબર સેલને નિવેદન આપતી વખતે, સમયે પોતાની ભૂલ સ્વીકારી. આ દરમિયાન, કોમેડિયને કહ્યું કે શો દરમિયાન તેણે જે કંઈ કહ્યું તે ખોટું છે અને તે આ માટે પોતાની ભૂલ પણ સ્વીકારે છે. સાથે જ દુઃખી પણ છે. સમયે વધુમાં કહ્યું કે તેણે જે કહ્યું તે કહેવાનો તેનો કોઈ ઇરાદો નહોતો અને તે બધું ફ્લોમાં થઈ ગયું. આ ઉપરાંત, તેણે કહ્યું કે તે ભવિષ્યમાં આવી ભૂલ નહીં કરે અને ધ્યાન રાખશે.

માનસિક સ્વાસ્થ્ય સારું નથી - સમય

આ દરમિયાન સમયે એમ પણ કહ્યું કે આ સમગ્ર વિવાદ પછી તેનું માનસિક સ્વાસ્થ્ય સારું નથી અને તેની કેનેડા ટૂર પણ સારી નથી રહી. આ સમગ્ર વિવાદ પછી જ સમયે યુટ્યુબ પરથી શોના બધા એપિસોડ હટાવી દીધા. જયારે આ સમગ્ર મામલે, સુપ્રીમ કોર્ટે પોડકાસ્ટર અને તેના સાથીઓને આગામી નોટિસ સુધી શોને પ્રસારિત કરવાની મનાઈ કરી છે.

આ પણ વાંચો: લગ્નની વેબસાઈટ પર વર શોધવા ગઈ, પેલાએ હોટલ લઈ જઈને કર્યુ દુષ્કર્મ, વીડિયો પણ બનાવ્યો

શું છે આખો મામલો?

આ સમગ્ર મામલાની વાત કરીએ તો, આ સમગ્ર વિવાદ રણવીર અલ્લાહબાદિયાની અશ્લીલ ટિપ્પણી પછી શરૂ થયો હતો. સમયના શોમાં, રણવીરે માતાપિતાના સંબંધો પર ખૂબ જ ગંદી કોમેન્ટ કરી અને આ પછી, આખા દેશમાં આ અંગે આક્રોશ જોવા મળ્યો. આ અંગે બધાએ નારાજગી વ્યક્ત કરી. આ સમગ્ર વિવાદમાં, ફક્ત રણવીર અને સમય જ નહીં, પરંતુ અપૂર્વા મખીજા, આશિષ ચંચલાની અને શોના અન્ય લોકો પણ વિવાદમાં ફસાયેલા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ