ICC દ્વારા પહેલી વખત અંડર-19 મહિલા T20 વર્લ્ડ કપનું આયોજન કરવામાં આવી રહ્યું છે જ્યાં શેફાલી વર્માના નેતૃત્વમાં ટીમ ઈન્ડિયા અંડર-19 વર્લ્ડ કપ જીતીને ઈતિહાસ રચવા માટે નીકળશે.
પહેલી વખત અંડર-19 મહિલા T20 વર્લ્ડ કપનું આયોજન કરવામાં આવી રહ્યું છે
વર્લ્ડ કપની ફાઇનલમાં પહોંચતા પહેલા ટીમ ઈન્ડિયાએ કુલ 6 મેચ રમી છે
આજનો દિવસ ખાસ છે કારણ કે આજના દિવસે ભારતની દીકરીઓ વર્લ્ડ કપ જીતવાના ઈરાદા સાથે મેદાનમાં ઉતરશે. જણાવી દઈએ કે ICC દ્વારા પહેલી વખત અંડર-19 મહિલા T20 વર્લ્ડ કપનું આયોજન કરવામાં આવી રહ્યું છે અને તેમાં પણ ભારત ફાઇનલમાં પહોંચી ગયું છે. વર્ષ 2023 વર્લ્ડકપનું વર્ષ કહી શકાય છે. હોકી વર્લ્ડ કપમાં ટીમ ઈન્ડિયાનું વર્લ્ડ કપ જીતવાના સપના પર પાણી ફરી વળ્યું હતું પણ આજે બીજી તક મળી, જ્યાં શેફાલી વર્માના નેતૃત્વમાં ટીમ ઈન્ડિયા અંડર-19 વર્લ્ડ કપ જીતીને ઈતિહાસ રચવા માટે નીકળશે.
અંડર-19 મહિલા વર્લ્ડ કપ ફાઈનલ
ભારત vs ઈંગ્લેન્ડ, Potchefstroom, સાંજે 5.15 વાગ્યે
અંડર-19 T-20 વર્લ્ડ કપમાં ટીમ ઈન્ડિયા
ટીમ ઈન્ડિયાએ આ વર્લ્ડ કપની ફાઇનલમાં પહોંચતા પહેલા ટીમ ઈન્ડિયાએ કુલ 6 મેચ રમી છે અને તેમાંથી 5 મેચ જીતી છે. આ મેચોમાં ટીમ ઈન્ડિયાએ ઓસ્ટ્રેલિયા બીજી દરેક ટીમને હરાવી છે અને આજની મેચમાં ઈંગ્લેન્ડને હરાવી શકશે તો વર્લ્ડ કપનું સપનું સાકાર થતું જોવા મળી રહ્યું છે.
• દક્ષિણ આફ્રિકા સામે ભારત 7 વિકેટથી જીત્યું
• UAE સામે ભારત 122 રનથી જીત્યું
• સ્કોટલેન્ડ સામે ભારત 83 રનથી જીત્યું
• ઓસ્ટ્રેલિયા સામે ભારત 7 વિકેટથી હાર્યું
• શ્રીલંકા સામે ભારત 7 વિકેટથી જીત્યું
• ન્યુઝીલેન્ડ સામે ભારત 8 વિકેટથી જીત્યું (સેમી ફાઈનલ)
• ઈંગ્લેન્ડ સામે ફાઈનલ, 29 જાન્યુઆરી