અર્થતંત્ર / મહામારીમાં મોદી સરકાર માટે ગૂડ ન્યૂઝ, ઈકોનોમીમાં મોટો સુધારો થતાં GDP ગ્રોથમાં થયો શાનદાર ઉછાળો

• મહામારીમાં મોદી સરકાર માટે ગૂડ ન્યૂઝ
• ઈકોનોમીમાં સુધારાના સંકેત
• 2021-22 ના બીજા ક્વાર્ટરમાં  8.4 ટકા જીડીપી ગ્રોથ 

મોદી સરકાર માટે કોરોના સંકટ વચ્ચે સતત બીજા ત્રિમાસિક ગાળા માટે GDP મોરચે સારા સમાચાર આવ્યા છે. ઓફિસ ફોર નેશનલ સ્ટેટિસ્ટિક્સ (એનએસઓ)એ ચાલુ નાણાકીય વર્ષના બીજા ત્રિમાસિક ગાળા માટે જીડીપીના પરિણામો જાહેર કર્યા છે. બીજા ક્વાર્ટરમાં જીડીપી વૃદ્ધિ દર ૮.૪ ટકા રહ્યો છે. ગયા વર્ષે બીજા ક્વાર્ટરમાં જીડીપી ૭.૫ ટકા ઘટ્યો હતો.

સરકારે 2021-22 ના બીજા ક્વાર્ટરના GDP ગ્રોથના આંકડા બહાર પાડ્યાં

સરકારે 2021-22 ના બીજા ક્વાર્ટરના GDP ગ્રોથના આંકડા બહાર પાડ્યાં છે. ચાલુ નાણાકીય વર્ષના બીજા ક્વાર્ટરમાં દેશનો જીડીપી 8.4 ટકા રહ્યો છે. પહેલા ક્વાર્ટરમાં GDP ગ્રોથ 20.1 ટકા રહ્યો હતો. 
 

અગાઉ પ્રથમ ત્રિમાસિક ગાળામાં (ક્વાર્ટર 1)માં ગ્રોસ ડોમેસ્ટિક પ્રોડક્ટ (GDP)નો વૃદ્ધિ દર રેકોર્ડ 20.1 ટકા હતો. જીડીપીમાં તીવ્ર રિકવરી અર્થતંત્રની ટ્રેન પાટા પર પાછા આવવાના સંકેતો બતાવી રહી છે.  નાણાકીય વર્ષ 20-21 ના પહેલા ક્વાર્ટરમાં GDPમાં 23.9 ટકાનો ઘટાડો થયો હતો. બીજા ક્વાર્ટરમાં GDP ૭.૫ ટકા ઘટ્યો હતો. જ્યારે ત્રીજા ક્વાર્ટરમાં GDP 0.4 ટકા હતો. ચોથા ત્રિમાસિક (જાન્યુઆરી-માર્ચ)માં GDP વૃદ્ધિ દર 1.6 ટકા નોંધાયો હતો. આમ નાણાકીય વર્ષ 2020-21 માટે GDP વૃદ્ધિ દર -7.3 ટકા રહ્યો હતો.

રેટિંગ એજન્સીઓનો અંદાજ
તમામ એજન્સીઓએ બીજા ત્રિમાસિક ગાળામાં GDP ગ્રોથ ૭ થી ૯ ટકાની વચ્ચે રહેવાનું અનુમાન કર્યું હતું. આરબીઆઈએ બીજા ત્રિમાસિક ગાળાની  7.9 ટકા GDP ગ્રોથનું અનુમાન કર્યું હતું. ઇન્ડિયા રેટિંગ્સએ બીજા ત્રિમાસિક ગાળામાં જીડીપી વૃદ્ધિ દર 8.3 ટકા રહેવાનું અનુમાન કર્યું હતું, એજન્સીના જણાવ્યા અનુસાર, જે સમગ્ર નાણાકીય વર્ષમાં 9.4 ટકા જીડીપી વૃદ્ધિ તરફ દોરી શકે છે.આઇસીઆરએ એ નાણાકીય વર્ષ 2021-22 ના બીજા ત્રિમાસિક ગાળામાં જીડીપી વૃદ્ધિનું અનુમાન વધારીને 7.9 ટકા કર્યું હતું. આઇસીઆરએના જણાવ્યા અનુસાર નાણાકીય વર્ષ 2021-22ના બીજા ક્વાર્ટરમાં આર્થિક પ્રવૃત્તિને ઔદ્યોગિક અને સેવા ક્ષેત્રોમાં વધેલા વોલ્યુમને ટેકો મળ્યો છે.

GDP એટલું શું? 

કોઈ દેશમાં એક નિશ્વિત સમયમાં તૈયાર કરવામાં આવેલી તમામ ચીજવસ્તુઓ અને સેવાઓના કુલ નાણાકીય અથવા બજાર મૂલ્યને ગ્રોસ ડોમેસ્ટિક પ્રોડક્ટ (જીડીપી) કહેવામાં આવે છે. તે દેશના ઘરેલું ઉત્પાદનનું એક વ્યાપક માપ છે અને દેશના અર્થતંત્રના સ્વાસ્થ્યને દર્શાવે છે. સામાન્ય રીતે તેની ગણતરી વાર્ષિક આધારે કરવામાં આવે છે, પરંતુ ભારતમાં તેને દર ત્રણ મહિને એટલે કે ત્રિમાસિક ધોરણે રેટિંગ પણ આપવામાં આવે છે. થોડાં વર્ષો પહેલાં જીડીપીમાં શિક્ષણ, આરોગ્ય, બેંકિંગ અને કમ્પ્યુટર જેવી વિવિધ સેવાઓ ઉમેરવામાં આવી છે. 

આઠ કોર સેક્ટરનો ગ્રોથ ઓક્ટોબરમા વધીને 7.5 ટકા રહ્યો
આઠ કોર સેક્ટરનો ગ્રોથ ઓક્ટોબરમાં વધીને 7.5 ટકા થયો. 30 નવેમ્બરના રોજ જારી સરકારી આંકડામાં જણાવ્યાનુસાર સપ્ટેમ્બર 2021 માં 8 કોર સેક્ટરનો ગ્રોથ 4.4 ટકો હતો. 8 કોર સેક્ટરનો ઈન્ડેક્સ ઓક્ટોબર 2021માં 136.2 ટકા રહ્યો જે ઓક્ટોબર 2020ની તુલનાએ 7.5 ટકા વધારે છે. મંત્રાલય તરફથી જારી રિલિઝ પ્રમાણે, કોલ, નેચરલ ગેસ, રિફાઈનરી પ્રોડક્ટસ, ખાતર, સ્ટીલ, સીમેન્ટ અને વીજળીમાં ગ્રોથ વદ્યો છે.