દેશમાં હવે ટૂંક સમયમાં જ પ્રથમ વાર કોઇ નદી નીચેથી મેટ્રો ટ્રેન પસાર થશે. કોલકાતાની હુગલી નદી નીચેથી આ ટ્રેન પસાર થશે. જેનું કામ લગભગ પૂર્ણ થઇ ચૂક્યું છે અને હવે ટૂંક સમયમાં જ તેનો પ્રારંભ થવા જઇ રહ્યો છે. આ સુરંગો 520 મીટર લાંબી અને લગભગ 30 મીટર ઊંડી છે અને નદીની નીચેથી થઇને મેટ્રોને આ સુરંગ પાર કરવામાં કુલ 60 સેકન્ડનો સમય લાગશે.
રેલ્વેમંત્રી પીયૂષ ગોયલે એક વીડિયો ટ્વિટ કર્યો છે અને જણાવ્યું કે, ટૂંક સમયમાં જ આ ટ્રે્ન શરૂ થશે. પીયૂષ ગોયલે વીડિયોને ટ્વિટ કરીને લખ્યું કે, 'ભારતની પ્રથમ અંડર વોટર ટ્રેન જલ્દી જ કોલકાતામાં હુગલી નદીની નીચે ચાલવાની શરૂઆત થશે. ઉત્કૃષ્ટ એન્જીનિયરિંગનું ઉદાહરણ આ ટ્રેન દેશમાં નિરંતર થઇ રહેલ રેલ્વેની પ્રગતિનું પ્રતિક છે. આના બનવાથી કોલકાતા નિવાસીઓને સુવિધા અને દેશને ગર્વનો અનુભવ થશે.'
भारत की पहली अंडर वॉटर ट्रेन शीघ्र ही कोलकाता में हुगली नदी के नीचे चलना आरंभ होगी। उत्कृष्ट इंजीनियरिंग का उदाहरण यह ट्रेन देश में निरंतर हो रही रेलवे की प्रगति का प्रतीक है।
આ વીડિયોમાં જણાવવામાં આવ્યું છે કે પ્રથમ અંડર વૉટર કોલકાતા મેટ્રો સોલ્ટ લેક સેક્ટર 5થી હાવડા મેદાન સુધીની યાત્રા કરવા માટે અંદાજે તૈયાર છે. 2 ફેસમાં વહેંચાયેલ આ લાઇનમાં ફેસ 1ને જલ્દી સામાન્ય લોકો માટે ચાલુ પણ કરવામાં આવશે. કોલકાતાવાસીઓને માટે આ ખૂબ રાહતલક્ષી નિર્ણય લેવાયો છે.
અંડર વૉટર ટ્રેનને પાણીથી બચાવવા માટે ચાર ઉચ્ચ સ્તરીય સુરક્ષા કવચ લગાવવામાં આવેલ છે. આ 520 મીટર લાંબી સુરંગ છે કે જેમાંથી એક પૂર્વ તરફ જશે અને બીજી પશ્ચિમ તરફ જશે. આનું નિર્માણ નદીની નીચેના તળથી 30 મીટર નીચે કરવામાં આવેલ છે.