સર્જરી / દેશની સૌ પ્રથમ ઘટના, જન્મજાતથી જ બહેરાશ ધરાવનાર બાળકની કરાઈ અલ્ટ્રા કોકલિયર ઇમ્પ્લાન્ટ સર્જરી

શાળા આરોગ્ય કાર્યક્રમમાં સમાવેશ કરતા રાજ્યની ગાંધીનગર સહિતની હોસ્પિટલોમાં રાજ્યનાં આરોગ્ય વિભાગ દ્વારા આ કોકલિયર ઇમ્પ્લાન્ટ સર્જરી (ultra cochlear implant surgery) કરવામાં આવે છે. સામાન્ય કોકલિયર ઇમ્પ્લાન્ટમાં કંપની દ્વારા સંશોધન કરીને સૌથી પાતળા અલ્ટ્રા કોકલિયર ઇમ્પ્લાન્ટ બનાવવામાં આવ્યાં છે. આ સૌથી પાતળા અલ્ટ્રા કોકલિયર ઇમ્પ્લાન્ટની સમગ્ર દેશમાં સૌ પ્રથમ સર્જરી (Surgery) ગાંધીનગર સિવીલ હોસ્પિટલનાં ઇએનટી વિભાગનાં નિષ્ણાંત ડોક્ટર નીરજ સુરીએ કરી હતી.

ઉલ્લેખનીય છે કે તાજેતરમાં જ રાજસ્થાનનાં સાડા ત્રણ વર્ષનાં દિવ્યરાજ રાવલ નામનાં બાળકનાં બન્ને કાનમાં એક સાથે જ સૌથી પાતળા અલ્ટ્રા કોકલિયર ઇમ્પ્લાન્ટની સર્જરી કરવામાં આવી હતી. સૌ પ્રથમ વખત કરવામાં આવેલી સર્જરી ખૂબ સફળ રહેતા ગાંધીનગરની સિવીલ હોસ્પિટલનાં ઇએનટી તબીબ નીરજ સુરીની ટીમનાં ચહેરા ઉપર એક અનેરો આનંદ જોવા મળ્યો હતો. ઉપરાંત કેટલાંક લોકોએ તેમને શુભકામનાઓ પણ પાઠવી હતી.