સ્નાઈપર રાઇફલ વડે સરહદ પારથી ભારતીય જવાનો પરના સતત વધતા જતા હુમલાઓ બાદ હવે ભારતીય સેના પણ પોતાના સૈનિકોને સ્નાઈપર રાઇફલોથી સજ્જ કરવા જઈ રહી છે. ભારતને એક મુખ્ય સંરક્ષણ ઉત્પાદન કેન્દ્ર બનાવવા માટે કેન્દ્ર સરકાર સતત ભાર મૂકી રહી છે. તે જ ક્રમમાં કર્ણાટકના બેંગલુરુ સ્થિત એક કંપનીએ દેશની પ્રથમ સ્વદેશી સ્નાઈપર રાઈફલ પ્રોટોટાઇપ બનાવી છે. સમાચાર એજન્સીના જણાવ્યા અનુસાર, આ સ્નાઈપર રાઈફલનો ઉપયોગ ભારતીય સશસ્ત્ર દળો અને સેના કરશે.
દારૂગોળો, ઓપ્ટિક્સ અને અન્ય ઉપકરણો પણ સપ્લાય કરીએ છીએ: એસએસએસ ડિફેન્સના એમડી
ભારતને શસ્ત્ર ઉત્પાદન અને નિકાસનું હબ બનાવવાના પ્રયાસ
એસએસએસ ડિફેન્સ દ્વારા આ બંને સ્નાઈપર રાઇફલ્સ બનાવવામાં આવી છે. આ કંપની ભારતને શસ્ત્ર ઉત્પાદન અને નિકાસનું હબ બનાવવા માટેના માર્ગનું નેતૃત્વ કરવા ઇચ્છે છે.
એસએસએસ ડિફેન્સના મેનેજિંગ ડિરેક્ટર (એમડી) સતીષ આર. મચાનીએ કહ્યું કે, અમે સંરક્ષણ ક્ષેત્રમાં 'મેક ઇન ઇન્ડિયા' આવ્યા પછી આ રાઇફલોને ડિઝાઈન અને બનાવવાનું શરૂ કર્યું હતું. અમે દેશમાં શસ્ત્રો વિકસિત કરનારા કેટલાક ઉત્પાદકોમાંના એક બની ગયા છીએ. 61 વર્ષ જુની કંપની અગાઉ ઓટોમોટિવ ઉદ્યોગ માટે પાર્ટ્સ (ખાસ કરીને સ્પ્રિંગ્સ) બનાવતી હતી.
In a first, two indigenous sniper rifles developed by Bengaluru-based firm
દારૂગોળો, ઓપ્ટિક્સ અને અન્ય ઉપકરણો પણ સપ્લાય કરીએ છીએ: એસએસએસ ડિફેન્સના એમડી
મચાનીએ કહ્યું કે, અમે સંરક્ષણ ક્ષેત્ર માટે દારૂગોળો, ઓપ્ટિક્સ અને અન્ય ઉપકરણો પણ સપ્લાય કરીએ છીએ. અમારો વિચાર એ છે કે આપણા સુરક્ષાદળો માટે હથિયારોની એક સંપૂર્ણ વ્યવસ્થા હોય અને અમે શસ્ત્ર નિકાસકાર બનવાની આશા પણ રાખીએ છીએ.
સ્વાભાવિક છે કે, અમને અમારા હથિયારોને વૈશ્વિક સ્તરે પહોંચાડવા માટે હજુ ઘણું વધારે કામ કરવાની જરૂર પડશે. અમારી પાસે એક ઉત્કૃષ્ટ સંશોધન અને વિકાસ કેન્દ્ર છે, જ્યાંથી અમે આ લક્ષ્ય પ્રાપ્ત કરવામાં સફળ થઈ શકીએ તેમ છીએ.
હથિયારોના મેન્યુફેક્ચરિંગ યુનિટ માટે કંપની બનાવી રહી છે 80,000 ચોરસ ફૂટનું કારખાનું
એસએસએસ ડિફેન્સ કંપની તેના હથિયારોના મેન્યુફેક્ચરિંગ યુનિટ માટે જિગાનીમાં 80,000 ચોરસ ફૂટનું કારખાનું પણ બનાવી રહી છે. હથિયારોના કામ અંગેની વિગત આપતા કંપનીના સીઇઓ વિવેક કૃષ્ણને કહ્યું કે, અમે હાઈ-એન્ડ સ્નીપર રાઇફલ્સ કેલિબરને 7.62x51 મિમી અને .338 લાપુઆ મેગ્નમ પ્લેટફોર્મ સાથે બનાવી છે. મિશનના માપદંડ અને ઉપયોગના વાતાવરણના આધારે બેરલની લંબાઈના વિકલ્પો 20 ઇંચથી 24 ઇંચ સુધીની હોય છે.