કોરોના વાયરસ / ભારતની પહેલી Covid-19 વેક્સીન કેન્ડિડેટ COVAXINને મંજૂરી, આ મહિને શરૂ થશે હ્યૂમન ટ્રાયલ

• કોરોનાની વેક્સીનના માનવીય પરીક્ષણ માટે મંજૂરી 
• દેશની પ્રથમ વેક્સીન COVAXINને માનવીય પરિક્ષણ માટે મંજૂરી
• ભારત બાયોટેક અને ICMR દ્વારા વિકસીત કરાઇ છે વેક્સીન

હવે ભારતમાં પણ કોરોનાની રસીનું પરીક્ષણ કરી શકાશે. લોકો પર કોરોનાની રસીનું પરિક્ષણ કરી શકાશે. ભારતમાં કોરોનાની વેક્સીનના માનવીય પરિક્ષણ માટે મંજૂરી આપી દેવામાં આવી છે. દેશની પ્રથમ વેક્સીન COVAXINને માનવીય પરિક્ષણ માટે મંજૂરી આપવામાં આવી છે. આ રસી ભારત બાયોટેકએ ઇન્ડિયન કાઉન્સિલ ઓફ મેડિકલ રિસર્ચ (ICMR) અને નેશનલ ઇન્સ્ટીટ્યૂટ ઓફ વાયરોલૉજી (NIV)ની સાથે મળીને બનાવી છે. વેક્સીનને બનાવવા માટે NIV, પુણેમાં આઇસોલેટ SARS-CoV-2 સ્ટ્રેનને ભારત બાયોટેકને ટ્રાન્સફર કરવામાં આવી. 

સમગ્ર દુનિયામાં આ સમયે કોવિડ 19ની વેક્સીન માટે પ્રયત્નો ચાલી રહ્યા છે. અત્યાર સુધીમાં કોઇને સફળતા નથી મળી. જોકે કેટલીક કંપનીઓ હ્યૂમન ટ્રાયલ્સના અંતિમ તબક્કામાં છે. આ રસી માનવીય પરિક્ષણ માટે રસી અસરકારક રહેશે તો તે વધુ લોકોને અપાશે. હાલ તો આ રસી ભારત માટે એક આશાનું કિરણ દેખાઇ રહ્યું છે. જો કે આ રસી કોરોનાને હરાવવામાં કેટલી અસરકારક રહેશે તે તો પરીક્ષણ બાદ જ ખબર પડશે.