ટેક્નોલોજી / Exclusive: સુરતમાં બન્યો સૌપ્રથમ આવો સ્પ્રે: કાર પર સ્ક્રેચ નહીં લાગે, તડબૂચ પર છાંટ્યુ તો લોખંડ જેટલું મજબૂત

• દેશમાં સૌપ્રથમ સુરતમાં બનાવાયો બુલેટ પ્રૂફ સ્પ્રે
• વાહન પર સ્ક્રેચ પડવાની કોઇ શક્યતા નહીં
• જર્મન ટેકનોલોજીથી બને છે આ કલર

દેશમાં સૌપ્રથમ સુરતમાં આ સ્ક્રેચ ફ્રી બુલેટપ્રૂફ સ્પ્રેની શરૂઆત થઇ છે. બુલેટપ્રૂફ કલરનું નામ બુલેટ લાઇનર રખાયું છે. આ સ્પ્રે લગાવ્યા બાદ કોઇપણ સ્થિતિમાં વાહનના કલરમાં સ્ક્રેચ પડવાની શક્યતા નથી રહેતી. કાર સહિતના વાહનોમાં આ સક્રેચ પ્રૂફ કલર લગાવી શકાય છે.

VTVની ટીમ દ્વારા આ બુલેટ પ્રૂફ સ્પ્રે અંગે રિયાલિટી ચેક કરવામાં આવ્યું હતું. જેમાં તરબુચ પર આ સ્પ્રે લગાવવામાં આવ્યો હતો. જ્યારબાદ તેની પરત એટલી મજબૂત બની ગઇ હતી કે તેને કટરથી તોડવી પડી હતી. ત્યારે આ સ્પ્રે કાર, બાઇક કે અન્ય કોઇપણ વસ્તુ પર લગાવી શકાય છે જ્યાં સ્ક્રેચ પડવાની શક્યતાઓ છે.

મહત્વનું છે કે, લોકો પોતાની કારની જાળવણી માટે હવે આ પ્રકારના બુલેટપ્રૂફ સ્પ્રેનો કલર લગાવે તો નવાઇ નહીં. મોંઘી કાર, બુલેટ સહિતના વાહનોમાં હવે ધીરે ધીરે બુલેટપ્રૂફ સ્પ્રે લગાવવાનો ક્રેઝ પણ શરૂ થયો છે.