વર્તમાન નાણાકીય વર્ષમાં આર્થિક મંદીના સંકટથી પસાર થઇ રહેલી ભારતીય અર્થવ્યવસ્થા માટે એક સારા સમાચાર મળ્યા છે. જાન્યુઆરીના મહીનામાં દેશમાં મેન્યુફેક્ચરિંગ એક્ટિવિટી 8 વર્ષના ઉચ્ચતમ સ્તર પર રહ્યો છે. મંદ આર્થિક ગ્રોથની વચ્ચે આ આંકડા ભવિષ્યમાં સુધારના સંકેત હોઇ શકે છે.
ભારતીય અર્થવ્યવસ્થા માટે એક સારા સમાચાર
મેન્યુફેક્ચરિંગ કંપનીઓેએ ગત 7 વર્ષોમાં સૌથી વધારે હાયરિંગ કર્યું
જાન્યુઆરી મહીનામાં પરચેજિંગ મેનેજર્સ ઇન્ડેક્સ 55.3 ટકા રહ્યો
આંકડાઓ મુજબ, સેલમાં વધારો થયો છે અને તેના પગલે મેન્યુફેક્ચરિંગ કંપનીઓેએ ગત 7 વર્ષોમાં સૌથી વધારે હાયરિંગ જાન્યુઆરીના મહીનામાં કરી છે.
ગત 11 વર્ષોમાં સૌથી કમજોર ગ્રોથની સ્થિતિથી કાબૂ મેળવવાની દિશામાં આ આંકડા મહત્વપૂર્ણ સાબિત થઇ શકે છે. જાન્યુઆરીના મહીનામાં માંગમાં વધારો થવાને પગલે નવા બિઝનેસમાં ગ્રોથ જોવા મળ્યો છે. તેના પગલે આઉટપુટ, એક્સપોર્ટ, ઇનપુટ ખરીદ અને રોજગારમાં વધારો થયો છે.
કંપનીઓના પરચેજિંગ મેનેજરની વચ્ચે થયેલા સર્વેમાં જાણવા મળ્યું છે કે, જાન્યુઆરી મહીનામાં પરચેજિંગ મેનેજર્સ ઇન્ડેક્સ 55.3 ટકા રહ્યો છે, જે ગત ડિસેમ્બરમાં 52.7 ટકા જ હતો. ફેબ્રુઆરી 2012ના બાદથી આ પહેલી વાર છે, જ્યારે આટલી તેજી જોવા મળી છે.
નોંધનીય છે કે, રિઝર્વ બેન્કની તરફથી 4થી 6 ફેબ્રુઆરી દરમિયાન નાણાકીય સમીક્ષા નીતિઓની જાહેરાત કરવામાં આવી શકે છે. આ પહેલા આ સંકેત કેન્દ્રીય બેન્કના નિર્ણયને સરળ બનાવવામાં મદદગાર સાબિત થઇ શકે છે.