ઇન્ટરનેશનલ ક્રિકેટ કાઉન્સિલ (ICC) એ પ્લેયર ઓફ ધ ટુર્નામેન્ટ એવોર્ડ માટે 9 ખેલાડીઓને શોર્ટલિસ્ટ કર્યા છે અને એ લિસ્ટમાં સૌથી ઉપર વિરાટ કોહલીનું નામ છે અને એ પછી સૂર્યકુમાર યાદવ બીજા નંબર પર છે.
ટીમ ઇન્ડિયાને પ્લેયર ઓફ ધ ટુર્નામેન્ટનો એવોર્ડ મળી શકે છે
ICC શોર્ટલિસ્ટમાં ટોપ-2માં ભારતીય ખેલાડી
પાકિસ્તાની ખેલાડીઓએ ત્રીજા-ચોથા નંબર પર
ભારતીય ક્રિકેટ ટીમ T20 વર્લ્ડ કપની સેમિફાઇનલમાં હાર મળી હતી. ગુરુવારે એડિલેડમાં રમાયેલી ટૂર્નામેન્ટની બીજી સેમિફાઇનલ મેચમાં ઇંગ્લેન્ડે ભારતીય ટીમને 10 વિકેટે હરાવ્યું. ટીમ ઇન્ડિયાએ ઇંગ્લેન્ડ સામેની સેમીફાઇનલમાં પહેલા બેટિંગ કરીને 168 જેટલો સ્કોર બનાવ્યો હતો જેમાં ઇંગ્લેન્ડનાં ધમાકેદાર બેટ્સમેનોએ વગર કોઇ વિકેટનાં નુક્સાન પર વિજય મેળવ્યો હતો. ટીમ ઈન્ડિયા માટે ઓલરાઉન્ડર હાર્દિક પંડ્યા અને પૂર્વ કેપ્ટન વિરાટ કોહલીએ મેચમાં અડધી સદી ફટકારીને થોડી લાજ બચાવી હતી પણ ઈંગ્લેન્ડે કોઈ પણ વિકેટ ગુમાવ્યા વિના 16 ઓવરમાં લક્ષ્ય હાંસલ કરી લીધું હતું.
જો કે આ વર્લ્ડ કપમાંથી બહાર થયા બાદ હજુ પણ ટુર્નામેન્ટમાં ભારતીય ખેલાડીઓની બોલબાલા છે. વર્લ્ડકપની ટ્રોફી નહીં પણ પ્લેયર ઓફ ધ ટુર્નામેન્ટનો એવોર્ડ ભારતીય ટીમના ખાતામાં ચોક્કસ રીતે આવી શકે છે.
Nine incredible performers are in the running for the Player of the Tournament award 👏
ICC શોર્ટલિસ્ટમાં ટોપ-2માં ભારતીય ખેલાડી
જણાવી દઈએ કે ઇન્ટરનેશનલ ક્રિકેટ કાઉન્સિલ (ICC) એ પ્લેયર ઓફ ધ ટુર્નામેન્ટ એવોર્ડ માટે 9 ખેલાડીઓને શોર્ટલિસ્ટ કર્યા છે અને એ લિસ્ટમાં સૌથી ઉપર વિરાટ કોહલીનું નામ છે. વિરાટ પછી સૂર્યકુમાર યાદવ પણ બીજા નંબર પર છે. જણાવી દઈએ કે હવે વોટિંગના આધારે આમાંથી એક ખેલાડીને પ્લેયર ઓફ ધ ટુર્નામેન્ટ એવોર્ડઆપવામાં આવશે. જો કે શોર્ટ લિસ્ટ કરેલ લિસ્ટ જોઈને એવું લાગી રહ્યું છે કે ભારતના ખાતામાં આ એવોર્ડ આવી શકે છે.
કોહલીએ આ સિઝનમાં 6 મેચ રમી હતી અને એ મેચમાં તેને 98.66ની શાનદાર એવરેજથીકુલ 296 રન બનાવ્યા હતા. ખાસ વાત એ છે કે આ દરમિયાન કિંગ કોહલીએ 4 અર્ધસદી પણ ફટકારી હતી. આ લિસ્ટમાં બીજા નંબરના સુર્ય કુમાર યાદવ છે. સુર્ય એ પણ આ વર્લ્ડ કપમાં 6 મેચ રમી 59.75ની એવરેજથી 239 રન બનાવ્યા હતા અને આ દરમિયાન સૂર્યાએ કુલ 3 અડધી સદી ફટકારી હતી.
A half-century in the semi-final sees Virat Kohli sit comfortably at the top of the list 📈
પાકિસ્તાની ખેલાડીઓએ ત્રીજા-ચોથા નંબર પર
જો કે ICCની આ યાદીમાં પાકિસ્તાની ખેલાડી શાદાબ ખાન અને શાહીન શાહ આફ્રિદી અનુક્રમે ત્રીજા અને ચોથા નંબર પર આવ્યા છે. જણાવી દઈએ કે શાદાબે આ સિઝનમાં પોતાના ઓલરાઉન્ડરનું પ્રદર્શન કર્યું છે અને શાહિને બોલિંગમાં કમાલ કરી બતાવ્યો છે.
પ્લેયર ઓફ ધ ટુર્નામેન્ટ એવોર્ડ માટે આઈસીસીની યાદીમાં ભારત અને પાકિસ્તાન સિવાય ઈંગ્લેન્ડના સૌથી વધુ ત્રણ ખેલાડીઓને સ્થાન મળ્યું છે. આ ખેલાડીઓ સેમ કુરેન, જોસ બટલર અને એલેક્સ હેલ્સ છે. આ સાથે ઝિમ્બાબ્વેના સિકંદર રઝા અને શ્રીલંકાના વાનિન્દુ હસરાંગા પણ આ યાદીમાં સામેલ છે.