મહામારી / સ્વાસ્થ્ય મંત્રાલયનો દાવો, દેશમાં હવે દર્દીઓ સારા થઈ રહ્યા છે, 18 રાજ્યોમાં 50 હજારથી ઓછા કેસ

• એક લાખથી વધુ એક્ટિવ કેસો માત્ર 8 રાજ્યમાં જ 
• ભારતના કુલ 2.5 કરોડથી વધારે કેસ
• પ્લાઝમા થેરપીનો ઉપયોગ નહીં થાય કોરોના દર્દીઓ માટે  

એક લાખથી વધુ એક્ટિવ કેસો માત્ર 8 રાજ્યમાં જ
દેશમાં કોરોના મહામારીને લઈ કેન્દ્રીય સ્વાસ્થ્ય મંત્રાલયના સયુંકત સચિવ લવ અગ્રવાલે કહ્યું કે 3 મે એ રિકવરી રેટ 81.7 ટકા છે, જે હવે વધીને 85.6 ટકા છે. છેલ્લા 24 કલાકમાં 4,22,436 કોરોના દર્દીઓ સાજા થઈ ગયા છે. જે સૌથી વધુ દર્દીઓ સાજા થયાના સમાચાર છે. કોરોનાની રિકવરીમાં હવે એક સકારાત્મક પરિણામ જોવા મળી રહ્યું છે. આ સાથે જ તેમણે કહ્યું કે એક લાખથી વધુ એક્ટિવ કેસો માત્ર 8 રાજ્યમાં જ છે. બીજા 10 રાજ્યોમાં 50,000 થી લઈ 10,000 જેટલા કેસો છે. 

ભારતના કુલ 2.5 કરોડથી વધારે કેસ
ભારતમાં હવે કોરોનાના નોંધાનારા નવા કેસની સંખ્યામાં હાલ ઘટાડો જોવા મળી રહ્યો છે. જો કે મોતના આંકડા હજું પણ વધારે છે. આ દરમિયાન સોમવારે ભારતના કુલ 2.5 કરોડથી વધારે કેસ ધરાવતો દુનિયાનો બીજા નંબરનો દેશ બન્યો છે. પહેલા સ્થાન પર અમેરિકા છે. જ્યારે બ્રાઝિલ ત્રીજા સ્થાન પર છે.  બ્રાઝિલમાં 1.56 કરોડ કુલ કેસ આવ્યા છે.

હવે પ્લાઝમા થેરપીનો ઉપયોગ નહીં થાય કોરોના દર્દીઓ માટે   
થોડા દિવસ પહેલા કોવિડ પર બનેલી ટાસ્ક ફોર્સની મીટિંગમાં આ મુદ્દે ચર્ચા થઈ હતી જેમાં કહેવાયું હતું કે પ્લાઝ્મા થેરપીને ફાયદો થતો નથી. હેલ્થ મિનિસ્ટ્રીના જોઈન્ટ મોનીટરિંગ ગ્રુપે કોવિડ 19 ના દર્દીઓના મેનેજમેન્ટ માટે રિવાઈઝ્ડ ક્લીનિક ગાઈડલાઈન જારી કરી છ્ તેમાં પ્લાઝમા થેરપીનો કોઈ ઉલ્લેખ નથી. સરકારી પેનલે AEFI (adverse events following immunisation) સોમવારે કેન્દ્રીય સ્વાસ્થ્ય મંત્રાલયને રિપોર્ટ સોંપીને જણાવ્યું કે 498 ગંભીર કેસોની કરાયેલી સ્ટડીમાં 26 કેસો એવા મળ્યાં છે જેમાં વેક્સિન લીધા બાદ લોહી વહેવા અને લોહી જામી જવાનું જોવા મળ્યું છે. વેક્સિન લીધા બાદ ઓછું જોખમ રહે છે. જોકે કોવેક્સિન લીધા બાદ આવી કોઈ ઘટના બની નથી.