રિપોર્ટ / કોરોનાને નાથવા ભારત ખરીદશે 1.5 અરબ વેક્સીનના ડોઝ, સૌથી વધુ ડોઝનું બુકિંગ કરનારો ત્રીજો દેશ બન્યો

• કોરોનાને નાથવા ભારતે કરી તૈયારીઓ શરૂ
• કોરોનાની વેક્સીનના 1.5 અરબ ડોઝ ખરીદશે
• સૌથી વધુ વેક્સીનની ડીલ કરનારા દેશોમાં ભારતનો નંબર ત્રીજો

ડ્યુક યુનિવર્સિટીએ કર્યું રિસર્ચ

આ રિપોર્ટ ડ્યુક યુનિવર્સિટીની એક શોધ પર આધારિત છે. સ્વાસ્થ્ય સંબંધિત નવા અનુસંધાનો સાથે બનેલી ટેકનિક અને દવાઓની ઓછી આવકવાળા દેશો સુધી પહોંચવામાં આવતી તકલીફોને લઈને સંશોધન કરાયું. જેમાં એક લિસ્ટ તૈયાર કરાયું છે. એડવાન્સમાં કોરોના વેક્સીનની ડીલ ફાઈનલ કરનારા દેશોમાં યુનાઈટેડ સ્ટેટ્સ અને યુરોપિયન યુનિયન બાદ ભારતનો નંબર છે. 

કયા દેશે ફાઈનલ કર્યા વેક્સીનની ડીલના ડોઝ

ભારતે જ્યાં 1.5 અરબ વેક્સીનના ડોઝની ડીલ ફાઈનલ કરી ત્યારે જ યુરોપિયન યુનિયને પણ 1.2 અરબ વેક્સીન અને અમેરિકાએ 1 અરબની ડીલ ફાઈનલ કરી છે.

આ સિવાય અમેરિકા અને યુરોપિયન યુનિયને અલગ વેક્સીન ડોઝની સંભાવિત ખરીદીની ડીલ કરી છે. અમેરિકાએ દોઢ અરબ વેક્સીન તો યુરોપિયન યુનિયને 7 કરોડ ડોઝની સંભાવિત ખરીદીની જીલ કરી છે. અમેરિકા તેની તમામ આબાદીને એકથી વધુ વખત વેક્સીન આપવાની યોજના બનાવી રહ્યું છે. શોધમાં જાણવા મળ્યું છે તે કોરોના વેક્સીનના અત્યાર સુધીમાં 8 અરબથી વધારે ડોઝનું બુકિંગ થઈ ચૂક્યું છે.  શોધમાં એમ પણ કહેવાયું છે કે એડવાન્સ કમિટમેન્ટમાં નાના અને મધ્યમ આવક વાળા દેશો સુધી વેક્સીનને પહોંચાડવામાં તકલીફ આવી શકે છે.