'ડાયમન્ડ પ્રિન્સેઝ' જહાજમાં ખતરનાક નૉવલ કોરોના વાયરસ તેજીથી ફેલાઇ રહ્યો છે. જાપાનના યોકોહામાના કિનારા પર ગત કેટલાય દિવસોથી ઉભા જહાજમાં 3,711 યાત્રાળુ છે. જેમાંથી 132 ક્રૂ મેમ્બર્સ સહિત 138 ભારતીય છે. જહાજ પર અત્યાર સુધીમાં 174 લોકો વાયરસની ચપેટમાં આવી ચૂક્યા છે.
ક્રૂમાં હાજર બે ભારતીયોની રિપોર્ટ પણ પોઝિટિવ આવ્યા છે
ક્રૂમાં હાજર 24 વર્ષીય સોનાલીની મોદી સરકારને મદદ કરવાની અપીલ
ક્રૂમાં સામેલ બે ભારતીયોની રિપોર્ટ પણ પોઝિટિવ આવ્યા છે અને મોદી સરકાર પાસે મદદની અપીલ કરી રહ્યા છે. તેઓએ સરકારને અપીલ કરી છે કે ભારતીયોને જલ્દી જ ત્યાંથી નીકાળીને ભારત લાવવામાં આવે.
બ્રિટિશ ક્રૂઝમાં સવાર ભારતીય સિક્યોરિટી ઓફિસર સોનાલી ઠક્કરને તાવ અને અન્ય લક્ષણો બાદ સોમવારે આઇસોલેશનમાં રાખવામાં આવ્યા છે. મુંબઇની રહેવાસી સોનાલીએ એક ટીવી ચેનલને ફોન પર કહ્યું, 'અમે ખુબ જ ડરેલા છીએ કેમકે ઇન્ફેક્શન ખુબ જ ઝડપથી ફેલાઇ રહ્યું છે. આ એટલી ઝડપથી ફેલાઇ રહ્યું છે કે અમે પણ ઝપેટમાં આવી જઇશું, જે અમે ઇચ્છતા નથી. અમે ઘરે પાછા આવવા માંગીએ છીએ.
24 વર્ષીય સોનાલીએ મદદ કરવાની અપીલ કરતા કહ્યું, અમે ઇચ્છીએ છીએ કે ભારત સરકાર અમને દેશ (ભારત) લઇ જાય અને ત્યાં અલગ રાખવામાં આવે. ઓછામાં ઓછુ કંઇક મેડિકલ સ્ટાફ મોકલવામાં આવે જે જલ્દી ટેસ્ટ કરીને મદદ કરી શકે. અમે ઘરે પાછા આવવા માંગીએ છીએ. ઠક્કરે આગળ લખ્યું છે કે, તેઓએ પોતાના મિત્રો અને પરિવારને પણ સ્થિતિ વિશે બતાવી દીધું છે. તેઓએ કહ્યું, હકીકતમાં તેઓ મારા માટે ચિંતિત છે, તેઓ મને ઘરે પાછા લાવવા ઇચ્છે છે. તેઓ દિવસ-રાત પ્રાર્થના કરી રહ્યા છે.
જહાજમાં એક ભારતીય શેફ બિનય કુમારે એક નવો વીડિયોમાં પોતાના સુપરવાઇઝર સાથે કહ્યું કે પહેલા તે લોકો સંદેશ જાહેર કરવા ઇચ્છતા નહોતા કેમકે તેના કારણે તેઓની નોકરી જોખમમાં મુકાઇ શકે છે. તેઓએ મોદી સરકાર અને જાપાનની સરકારને મદદની અપીલ કરતા કહ્યું કે હાલ સુધીમાં માત્ર 500 લોકોની તપાસ થઇ શકી છે. જે લોકો વાયરસના ઝપેટમાં છે તેમને જહાજમાં રાખવામાં આવે, જ્યારે જે લોકો કોરોના વાયરસના ઝપેટમાં નથી આવ્યા તેમને અહીંથી નીકાળવામાં આવે, નહીં તો તમામ સંક્રમિત થઇ જઇશું.
ટોક્યો સ્થિત ભારતીય દૂતાવાસે વિશ્વાસ અપાવ્યો છે કે, તેઓ સતત સ્થિતિ પર નજર રાખી રહ્યા છે. આ જહાજ ગત સપ્તાહની શરૂઆતમાં જાપાનના કિનારે પહોંચ્યું હતું. જહાજમાંથી હોંગકોંગમાં ઉતરનારા એક યાત્રાળુ ના કોરોના વાયરસથી સંક્રમિત હોવાની પુષ્ટી બાદ જાપાને ક્રૂઝને કિનારે જ રોકી દીધું છે.