ભારતીયોના સ્વિસ બેંકમાં 20, 700 કરોડ રુપિયાથી વધારે પૈસા
સ્વિસ બેંકોમાં ભારતીયોના વ્યક્તિગત અને કંપનીઓના પૈસા 2020માં વધીને 2.55 અબજ સ્વિસ ફ્રૈંક એટલે કે 20, 700 કરોડ રુપિયાથી વધારે આંકે પહોંચી ગયા છે. આ વધારો રોકડ જમા રકમ તરીકે નહીં પરંતુ સિક્યોરિટીજ, બોન્ડ સહિત અન્ય ફાયનાન્સિયલ પ્રોડક્સ તરીકે રાખવામાં આવેલા હોલ્ડિંગ્સથી થઈ છે. જો કે આ દરમિયાન ગ્રાહકોની જમા રકમ ઓછી પણ થઈ છે.
સ્વિઝરલેન્ડમાં કેન્દ્રીય બેંક દ્વારા ગુરુવારે જારી વાર્ષિક આંકડા મુજબ સ્વિસ બેંકમાં આ આંકડો ભારત સ્થિત શાખાઓ અને અન્ય નાણા સંસ્થાનોના માધ્યમથી રાખવામાં આવી છે. સ્વિસ બેંકોમા ભારતીય ગ્રાહકોનું ગ્રાસ ફંડ 2019ના અંતમાં 89.9 કરોડ સ્વિસ ફ્રૈન્ક (6625 કરોડ રુપિયા) હતા. આ 2020માં વધીને 2.55 અબજ સ્વિસ ફ્રૈન્ક પર પહોંચી ગઈ છે. આ પહેલા સતત 2 વર્ષ આમાં ઘટાડો નોંધાયો હતો. તાજા આંકડા 13 વર્ષના સૌથી વધારે છે.
ભારતીય ગ્રાહકોના મામલામાં સ્વિસ બેંકની કુલ દેણદારી 255.47 કરોડ સીએચએફ
સ્વિસ નેશનલ બેંકના આંકડા અનુસાર 2006માં આ લગભગ 6.5 અબજ સ્વિસ ફ્રેન્કના રેકોર્ડ સ્તર પર હતી. એ બાદ આમાં 2011, 2013 અને 2017ને છોડીને ઘટાડો નોંધાયો હતો. એસએનબી અનુસાર 2020ના અંતમાં ભારતીય ગ્રાહકોના મામલામાં સ્વિસ બેંકની કુલ દેણદારી 255.47 કરોડ સીએચએફ છે. જેમાં 50.9 કરોડ સ્વિસ ફ્રેન્ક ગ્રાહક જમાના રુપમાં છે. ત્યારે 3100 કરોડ રુપિયાથી વધારે અન્ય બેંકોના માધ્યમથી રાખવામાં આવ્યા છે. ટ્રસ્ટના માધ્યમથી 16.5 કરોડ રુપિયા રાખવામાં આવ્યા છે. જ્યારે સૌથી વધારે 166.48 કરોડ સ્વિસ ફ્રેન્ડ એટલે 13, 500 કરોડ રુપિયા બોન્ડ, સિક્યોરિટીઝ અને અન્ય ફાયનાન્શિયલ પ્રોડક્ટ્સના રુપમાં રાખવામાં આવ્યા છે.
આ આંકડા કાળા ધન અંગે કોઈ સંકેત નહીં
આ આંકડા બેંકોએ એસએનબીને આપ્યા છે અને આ ભારતીયો દ્વારા સ્વિટઝરલેન્ડની બેંકમાં રાખવામાં આવેલા કાળા નાણાં અંગે કોઈ સંકેત નથી આપી રહ્યા. આ આંકડામાં તે રાશિ પણ સામેલ નથી જે ભારતીય, પ્રવાસી ભારતીય અથવા અન્ય ત્રીજા દેશોના યુનિટ્સ અંગે સ્વિસ બેંતોમાં રાખી શકાય છે.
વિભિન્ને દેશોના ગ્રાહકોની જમા રકમ
કુલ મળીને સ્વિસ બેંકોમાં વિભિન્ન દેશોના ગ્રાહકોની જમા રાશિ 2020માં વધીને લગભગ 2000 અબજ સ્વિસ ફ્રેન્ક પહોંચી છે. જેમાંથી 600 અબજ સ્વિસ ફ્રેન્ક વિદેશી ગ્રાહકોની જમા રાશી છે. યાદીમાં બ્રિટન અવ્વલ છે. તેમના નાગરિકોએ સ્વિસ બેંકમાં 377 અબજ સ્વિસ ફ્રૈન્ક જમા છે. એ બાદ અમેરિકાના (152 અબજ સ્વિસ ફ્રૈન્ક)નું સ્થાન છે.
ટોપ 10માં અન્ય વેસ્ટઈન્ડિઝ, ફ્રાન્સ, હોંગકોંગ, જર્મની, સિંગાપુર, લક્જમબર્ગ, કેમૈન આઈલેન્ડ અને બહામાસ છે. ભારત આ યાદીમાં 51માં સ્થાન પર છે અને ન્યૂઝીલેન્ડ, નોર્વે, સ્વીડન, ડેનમાર્ક, હંગરી, મોરીશસ, પાકિસ્તાન, બાંગ્લાદેશ તથા શ્રીલંકા જેવા દેશોમાં આગળ છે. બ્રિક્સ દેશોમાં ભારત, ચીન અને રશિયાથી નીચે પરંતુ દક્ષિણ આફ્રીકા અને બ્રાઝિલથી આગળ છે. આંકડા અનુસાર સ્વિસ બેંકોમાં બ્રિટન, અમેરિકાના ગ્રાહકોનું ફંડ ઓછું થયુ. બાંગ્લાદેશના ગ્રાહકોનું ધન ઘટ્યુ પરંતુ પાકિસ્તાની ગ્રાહકોનું ફંડ બે ગણુ થઈ 64.20 કરોડ સીએચએફ થયું છે.