સ્વિસ નેશનલ બેંક (SNB)એ તાજેતરમાં જ ખુલાસો કર્યો છે કે સ્વિસ બેંકોમાં ભારતીયોના ધનમાં મોટો વધારો થયો છે. SNBના આકંડા અનુસાર સ્વિક બેંકો 2017માં ભારતીયોના પૈસામાં 50% સુધીનો વધારો નોંધાયો છે. આ ખુલાસા પછી કેન્દ્રની મોદી સરકાર સમગ્ર વિપક્ષ અને ટીકાકારોની સામે આવી ગઇ છે. નાણામંત્રી અરૂણ જેટલી સહિત ઘણા નેતાઓ એ આ વિશે ખુલાસો કરવો પડ્યો. એવામાં કોઇને પણ પ્રશ્ન થઈ શકે કે સ્વિસ બેંક એટલે માત્ર કાળાનાણાંને રક્ષણ આપતી બેંક અથવા પછી તે સામાન્ય બેંકની જેમ કામ કરે છે? આ બેંકોમાં ખાતું કેવી રીતે ખુલે છે અને તે માટે જરૂરી શરતો અને નિયમો શું હોય છે?
પ્રાપ્ત જાણકારી અનુસાર વર્તમાનમાં સ્વિટ્ઝરલેન્ડમાં લગભગ 400 બેંક છે જેમાં UBS અને ક્રેડિટ સૂઇસ બેંક જેવા મોટી બેંકો શામેલ છે. સ્વિટ્ઝરલેન્ડના કાયદા અનુસાર બેંકોમાં ગ્રાહકોની માહિતી છુપાવી રાખવાની હોય છે આમ ન થવા પર અધિકારી વિરુદ્ઘ દંડનાત્મક કાર્યવાહી થઇ શકે છે. આ કારણે જ સ્વિસ બેંક દુનિયાભરના પૈસાદાર લોકોની પસંદ છે. અહીંયા ખાતું ખોલાવવા માટે ઓછામાં ઓછા 68 લાખ રૂપિયા જોઇએ. દર વર્ષે ખાતાના મેઈન્ટેનન્સ માટે લગભગ 20 000 લાગે છે. લેણદેણ માટે ગ્રાહકના નામ ઉપરાંત ખાસ નંબર આઈડીનો ઉપયોગ થાય છે. લેવડ દેવડ માટે બેંકમાં જવું પડે છે.
ખાતું ખોલાવવા માટે ઑનલાઇન અરજી કરી શકાશે. ઓળખ સંબંધી દસ્તાવેજો ઈ-મેઈલ અથવા પત્ર વ્યવહાર દ્વારા મોકલી શકાય છે. આ દસ્તાવેજોનું કોઈ સરકારી એજન્સી દ્વારા માન્ય હોવા જોઈએ. જરૂરી દસ્તાવેજોમાં પાસપોર્ટની કોપી કંપની ડોક્યુમેન્ટ્સ પ્રોફેશનલ લાઈસન્સ વગેરે જરૂરી હોય છે. નામ વિના માત્ર આઈડી નંબરથી એકાઉન્ટ ખોલવા માટે બેંક જવું પડે છે. કાળુંનાણું રાખનારા લોકો આ નંબરથી એકાઉન્ટ ખોલાવવાનું પસંદ કરે છે.સ્વિસ બેંકોમાં પર્સનલ એકાઉન્ટ સેવિંગ્સ એકાઉન્ટ અને ઈન્વેસ્ટમેન્ટ એકાઉન્ટ ઉપરાંત ઘણા પ્રકારના ખાતા ખોલાવી શકો છો.
કોઈપણ વયસ્ક એટલે કે જેની ઉંમર 18 વર્ષ હોય તે અહીં ખાતું ખોલાવી શકે છે. ખાતું ખોલતા સમયે સ્વિસ બેંક આવકના સ્ત્રોતની તપાસ કરે છે જેમાં નેતાઓ વગેરેના ખાતા ખોલતા સમયે ખાસ તપાસ કરાય છે. રિઝર્વ બેંકના નિયમ મુજબ વિદેશી બેંકમાં ભારતીય (NRI) વર્ષમાં સવા લાખ ડોલર સુધી જમા કરાવી શકે છે.કંપનીઓના ખાતા પર ફેમા કાયદો લાગૂ પડે છે. લેવડ-દેવડમાં પ્રવાસી ભારતીયોને છૂટ આપવામાં આવે છે. સ્વિત્ઝરલેન્ડના સૌથી મોટા બેંક સમૂહોમાં શામેલ UBSની એપ પણ વેબસાઈટ પર ઉપસ્થિત છે. જેમાંથી ખાતા ખોલવામાં મદદ લઈ શકાય છે. ખાતા ધારકના નામની જાણકારી બેંકના કેટલાક પસંદગીના અધિકારીઓ પાસે જ હોય છે.