ફર્જી જોબ ઑફરોમાં છેતરાઇને ભારતીય યુવાનો થાઇલેન્ડ, મ્યાનમાર , લાઓસ, કંબોડિયા જેવા દેશોમાં ફંસાઇ રહ્યાં છે. આ દેશોમાં આવી રીતે ફસાયેલા યુવાનોની સંખ્યા હજારોમાં છે અને કેટલીક જગ્યા પર તેમને કેદ પણ કરી દેવાયા છે. કેટલીક જગ્યાએ તો સેલેરી વગર પણ કામ કરાવવામાં આવી રહ્યું છે.
ફર્જી જોબ ઑફરોમાં છેતરાઇ છે ભારતીય
થાઇલેન્ડ, મ્યાનમાર , લાઓસમાં ફસાયા યુવાનો
સેલેરી વગર કરાવવામાં આવી રહ્યું છે કામ
વિદેશોમાં ફેક જોબ ઑફરમાં ભારતીય યુવાનો વારંવાર ફસાઇ રહ્યાં છે. આ કિસ્સો મ્યાનમારનો છે કે જ્યાં 45 ભારતીયોને બચાવી લેવાયા છે. ભારતીય વિદેશ મંત્રાલય દ્વારા આપવામાં આવેલી જાણકારી અનુસાર આ લોકોને છેલ્લા 10 દિવસમાં ત્યાંથી મૂક્ત કરાવાયાં છે અને તે તમામ લોકો તમિલનાડુ પાછાં આવી ગયાં છે. આવા તો અનેક કેસ આજકાલ સામે આવી રહ્યાં છે. ન માત્ર મ્યાનમાર પણ થાઇલેન્ડ જેવા દેશોમાં પણ આ જ ઘટના ઘટી રહી છે.
આ આખો ખેલ એજન્ટો દ્વારા ખેલાતો હોય છે. અને આ ષડ્યંત્રમાં કરોડો ભારતીયો વિદેશમાં ફસાઇ જાય છે. તેમને વગર સેલેરીએ કામ કરવું પડે છે તો ક્યારેક તેમને કેદ પણ કરી દેવામાં આવે છે. એટલું જ નહીં એવું પણ સાંભળવા મળ્યું છે કે તેમને વાત ન માનવા પર વિજળીના ઝટકા પણ આપવામાં આવી રહ્યાં છે.
આ એજન્ટો પૈસાની લાલચમાં થાઇલેન્ડ, મ્યાનમાર વગેરે જેવા દેશોમાં ભારતીય યુવાનોને કૉલ સેન્ટર અને ક્રિપ્ટો કરન્સીની જોબની લાલચ આપી અને વિદેશ મોકલી રહ્યાં છે. તેમાં ડાટા એન્ટ્રી ઓપરેટરથી લઇને આઇટી સેક્ટર સુધીની જોબ ઑફર કરવામાં આવે છે. જેમકે કેટલીક ફર્જી કંપનીઓઅએ ડિજિટસ સેલ્સ અને માર્કેટિંગ એક્ઝીક્યૂટીવના પદો માટે વિજ્ઞાપનો આપ્યા હતાં જેમાં ભારત અને દુબઇના એજન્ટોનો હાથ હતો.
IT પ્રોફેશનલ્સ નિશાના પર
વિદેશ મંત્રાલય દ્વારા જાહેર કરાયેલ એડવાઇઝરી અનુસાર સોશિયલ મીડિયા વિજ્ઞાપનોનાં માધ્યમથી ભારત અને દુબઇમાં એજન્ટો યુવાનોને ફસાવી રહ્યાં છે.જેમાં સૌથી વધુ IT પ્રોફેશનલ્સ નિશાના પર છે. ગેરકાયદેસર સરહદો પાર કરાવી અને બીજા દેશ લઇ જવાય છે અને કપરી પરિસ્થિતિઓમાં કામ કરાવે છે.
એટલે જ ભારતીયોને સલાહ આપવામાં આવતી હોય છે કે સોશિયલ મીડિયા પ્લેટફોર્મસ કે અન્ય અજાણ્યા સ્ત્રોતના માધ્મથી આવા ખોટા પ્રસ્તાવોનો સ્વીકાર ન કરવો જોઇએ.
Details of agents allegedly involved in this job racket have been shared with relevant authorities in various States in India for appropriate action.
ઑર્ડર ન માનવા પર આપે છે ઇલેક્ટ્રિસિટી ઝટકા
શિકાર બનેલ એક યુવાને વિદેશ મંત્રાલયને ટેગ કરતાં લખ્યું કે અમે અહીં ખૂબ ખરાબ પરિસ્થિતિમાં અટકાયેલા છીએ. અમને સેલેરી નથી આપવામાં આવતી અને જો માંગએ તો ઇલેક્ટ્રિસિટીનાં ઝટકા આપવામાં આવે છે. મારપીટ કરવામાં આવે છે. આશરે 300 ભારતીયો બંધક છે. 15-16 કલાક કામ કરાવવામાં આવે છે અને આ બધું ચીની કંપનીઓ દ્વારા કરાવવામાં આવી રહ્યું છે. ચીની કંપનીઓ જબરદસ્તી સાઇબર ક્રાઇમ પણ કરાવી રહી છે.