કોવિડ ઇફેક્ટ્સ / ભારતીય યુવા બની રહ્યા છે ગેમિંગના એડિક્ટ, કોરોના કાળમાં પણ આટલી વધી રેવેન્યુ

• દેશમાં બહુ ઝડપથી વધી રહ્યો છે ઓનલાઈન ગેમિંગનો ક્રેઝ
• ગેમિંગથી સૌથી વધુ રેવેન્યુ જનરેટ કરવામાં અમેરિકા અને ચીન મોખરે છે 
• ભારતમાં હાલમાં 30 કરોડ ગેમર્સ છે જે હજુ વધી શકે છે

દેશમાં ઓનલાઇન ગેમિંગનો ક્રેઝ ઝડપથી વધી રહ્યો છે. ઓલ ઇંડિયા ગેમિંગ ફેડરેશનના જણાવ્યા મુજબ હાલમાં દેશમાં લગભગ 30 કરોડ ઓનલાઇન ગેમર્સ છે. રિપોર્ટ્સની વાત માનીએ તો 2022 સુધી તેની સંખ્યા 44 કરોડ સુધી પહોંચી શકે છે. ઓનલાઇન ગેમિંગનું રેવન્યૂ પણ 22 ટકાની ગતિથી વધી રહ્યું છે. 

આગામી સમયમાં વધશે ટોટલ રેવેન્યુ, એશિયા પેસિફિકે કરી સૌથી વધુ કમાણી 

2023 સુધી રેવન્યૂ 11400 કરોડ રૂપિયા સુધી વધવાનું અનુમાન છે. જે 2014 ની તુલનામાં લગભગ ત્રણ ગણું છે. ત્યારે રેવન્યૂ 4400 કરોડ રૂપિયા હતી. દુનિયાના ગેમિંગ માર્કેટમાં સૌથી વધુ ભાગીદારી એશિયા-પેસિફિકની હતી. દુનિયાના ગેમિંગ માર્કેટે વર્ષ 2019 માં 11.25 લાખ કરોડ રૂપિયાની રેવન્યૂ જનરેટ કરી હતી. તેમાં એશિયા -પેસિફિક રિજિયને 5.34 લાખ કરોડની કમાણી કરી હતી. 

દુનિયામાં સૌથી વધુ ગેમિંગ રેવેન્યુ જનરેટ કરનાર દેશ અમેરિકા છે, ચીન તેના પછીના ક્રમ પર છે. 

ઓનલાઇન ગેમિંગની વેલ્યુ 2024 સુધી ચાર ગણી વધવાની આશા છે. 2019માં 6200 કરોડ હતી, જ્યારે 2024 સુધી 25030 કરોડ સુધી થઇ શકે છે. દુનિયામાં સૌથી વધુ રેવન્યુ જનરેટ કરતો દેશ અમેરિકા છે. તેણે 2.7 લાખ કરોડની કમાણી કરી. ચીન બીજા સ્થાન પર છે. જયારે કે ભારતમાં હાલમાં ઓનલાઇન ગેમર્સની સંખ્યા 30 કરોડ છે જે વધીને 2022 સુધી 44 કરોડ થઇ જશે

60 ટકા ગેમર્સ 24 વર્ષથી નાની વયજૂથના છે

અહીં 60 ટકાથી વધુ ઓનલાઇન ગેમર્સ 24 વર્ષથી ઓછી ઉંમરનાં છે. એક ઓનલાઇન ગેમર રોજ  સરેરાશ 55 મિનિટનો ટાઇમ ગેમ માટે સ્પેન્ડ કરે છે. અને રોજ ગેમ રમવા માટે 800 એમબી ડેટા ખર્ચ કરે છે.

કોવિડમાં વધી છે આવક

આમ કોવિડ સંકટ અને લોકડાઉનની સાઈડ ઇફેક્ટ્સ ગણીએ તો દુનિયાના ઘણા દેશોની GDP માં ભલે ઘટાડો નોંધાયો હોય પરંતુ ગેમિંગ સેક્ટરને કોવિડ મહામારીનો કોઈ જ પ્રભાવ પડ્યો હોય તેવુ લાગી રહ્યું નથી, ઉલ્ટાનું આ સમયગાળામાં આ સેક્ટરની રેવન્યુમાં વધારો નોંધાયો છે. 

આનો મતલબ ભારતીય યુવા બની રહ્યા છે એડિક્ટ, આગળ જોખમ પણ છે,

જો કે સતત એક જ રીતે બેસી રહેવાથી કાંડા, ગળા અને કોણીનો દુખાવો, સ્કીન પર ફોલ્લાઓ , કોલ્યુસ અને અનિદ્રાની બીમારીઓ થઈ શકે છે. અમુક રિસર્ચ અહેવાલો સૂચવે છે કે આનાથી મેદસ્વીપણું, પેરિફેરલ ન્યુરોપથી અને લોહીનું ગંઠાઈ જવું વગેરે જેવી પ્રોબ્લેમ્સ થઈ શકે છે. સાથે જ ટીનેજર્સમાં મનોવૈજ્ઞાનિક રોગો અને હિંસાના વધતાં પ્રમાણને પણ તેનાથી જોડીને જોવામાં આવે છે.