ભારતનાં સિનિયર ઓફ સ્પિનર આર. અશ્વિન અને વિકેટકિપર બેટ્સમેન રિષભ પંત આંતરરાષ્ટ્રીય ક્રિકેટ પરિષદ (ICC)નાં પ્લેયર ઓફ ધ મંથની રેસમાં.
ઈંગ્લેન્ડ, ઓસ્ટ્રેલિયા, અફઘાનિસ્તાન, સાઉથ આફ્રિકાનાં પ્લેયર્સ પણ રેસમાં
વર્ષ દરમિયાન ઉત્કૃષ્ટ પ્રદર્શન કરનાર માટે વોટ કરવામાં આવશે
ઈન્ડિયાનાં યુવા પ્લેયર્સ પણ આઈસીસીની પ્લેયર ઓફ ધ મંથની રેસમાં
મહિલા અને પુરુષ ક્રિકેટરોને પુરસ્કાર અપાશે
અશ્વિન અને પંત ઉપરાંત ભારતનાં મોહમ્મદ સિરાજ અને ટી. નટરાજન પણ આ પુરસ્કારની રેસમાં છે. આ દરેક પ્લેયરે ઓસ્ટ્રેલિયામાં ટેસ્ટ સિરીઝમાં ઐતિહાસિક જીત મેળવવામાં મહત્ત્વનો ફાળો આપ્યો હતો. આઈસીસીએ કહ્યું કે પૂરા વર્ષ દરમિયાન સંપૂર્ણરીતે ઉત્કૃષ્ટ પ્રદર્શન કરનાર મહિલા અને પુરુષ ક્રિકેટરોને આ પુરસ્કાર આપવામાં આવશે. પાકિસ્તારનો નિદા ડાર પણ રેસમાં
જાન્યુઆરી મહિના માટે ઈંગ્લેન્ડનાં કેપ્ટન જો રુટ, ઓસ્ટ્રેલિયાનાં બેટ્સમેન સ્ટીવ સ્મિથ, અફઘાનિસ્તાનનાં રહમાનુલ્લાહ ગુરબાજ, દક્ષિણ આફ્રિકાનાં મરિજાને કેપ અને નાદિન ડે ક્લેર્ક તેમજ પાકિસ્તાનનો નિદા ડાર પણ આઈસીસીની આ રેસમાં છે. આઈસીસી વોટીંગ એકેડેમી બનાવાઈ છે
આઈસીસીએ કહ્યું છે કે, પ્રસંશકોને દર મહિને ઓનલાઇન વોટીંગ માટે આમંત્રિત કરવામાં આવે છે. ઓનલાઇન વોટિંગ ઉપરાંત સ્વતંત્ર આઈસીસી વોટીંગ એકેડેમી પણ બનાવવામાં આવી છે, જેમાં પૂર્વ ખેલાડી, પ્રસારક અને પત્રકારો પણ સામેલ થશે. આઈસીસીનાં મહાપ્રબંધક જ્યોફ અલાર્ડિસે કહ્યું કે, આઈસીસી મહિનાનાં સર્વશ્રેષ્ઠ ખેલાડીનાં પુરસ્કાર થકી પ્રશંસકો સાથે જોડાવાની સુવર્ણ તક મળશે જેઓ પોતાના ગમતા ક્રિકેટરનાં પ્રદર્શનની સરાહના કરી શકશે. વોટિંગ એકેડેમી ઈમેલથી વોટ આપશે
દરેક વર્ગનાં ત્રણ નામ આઈસીસની પુરસ્કાર સમિતિ નક્કી કરશે. વોટિંગ એકેડેમી ઈમેલથી વોટ આપશે જે કુલ વોટનું 90 ટકા હશે. મહિનાનાં પહેલા દિવસે આઈસીસી સાથે રજિસ્ટર્ડ પ્રશંસક પોતાના વોટ આઈસીસીની વેબસાઈટ પર નાંખી શકશે, જે કુલ વોટનાં 10 ટકા હશે. વિજેતાની જાહેરાત મહિનાનાં બીજા સોમવારે થઈ જશે.