ન્યૂયોર્કમાં 30 વર્ષિય ભારતીય મૂળની મહિલા ઘરેલૂ હિંસાથી પરેશાન થઈને કથિત રીતે આત્મહત્યા કરી લીધી છે.
ભારતીય મૂળની મહિલા સાથે ન્યૂયોર્કમાં હૈવાનિયત
મહિલાએ કંટાળીને આપઘાત કરી લીધો
પતિના લફરાં અને ગંદી આદતોથી મહિલા કંટાળી
ન્યૂયોર્કમાં 30 વર્ષિય ભારતીય મૂળની મહિલા ઘરેલૂ હિંસાથી પરેશાન થઈને કથિત રીતે આત્મહત્યા કરી લીધી છે. મહિલાનો વીડિયો હવે સોશિયલ મીડિયા પર વાયરલ થઈ રહ્યો છે. કહેવાય છે કે, મહિલાએ આત્મહત્યા પહેલા આ વીડિયો બનાવ્યો હતો. જેમાં તે પોતાના પતિ અને સાસરિયાવાળાને મોત માટે જવાબદાર ઠેરવી રહી છે. મહિલાએ પોતાના આપવીતી સંભળાવતા વીડિયોમાં કહ્યું કે, તેનો પતિ તેને રોજ મારે છે. તેના પતિ અને સાસરિયાવાળાએ તેને મરવા માટે મજબૂર કરી છે.
આ મહિલાની ઓળખાણ ઉત્તર પ્રદેશના બિઝનૈરના નિવાસી મનદીપ કૌર તરીકે થઈ છે. 2015માં તેના લગ્ન રંજોધબીર સિંહ સંધૂ સાથે થયા હતા. લગ્નના ત્રણ વર્ષ બાદ ન્યૂયોર્કમાં જતી રહી અને ત્યાં સેટલ થઈ ગઈ.
દારૂ પીને દરરોજ માપતો હતો પતિ
મનદીપે વીડિયોમાં આરોપ લગાવ્યો છે કે, લગ્ન બાદથી તેનો પતિ દરરોજ તેને મારતો હતો. પણ તેને લાગ્યુ હતું કે, ન્યૂયોર્ક શિફ્ટ થયાં બાદ બધુ બરાબર થઈ જશે. જો કે આવું થયુ નહીં. મનદીપ કહે છએ કે, અહીં આવ્યા બાદ દરરોજ દારુ પીને મારતો. મનદીપ વીડિયોમાં કહે છએ કે, મેં છેલ્લા આઠ વર્ષથી બધુ સહન કર્યું કે એક દિવસ તે સુધરી જશે. પણ આવુ થયુ નહીં. તેણે આઠ વર્ષ સુધી મારી સાથે મારપીટ કરી, અત્યાચાર સહન કર્યો પણ હવે સહન થતું નથી.
મનદીપ વીડિયોમાં પોતાના પતિના અફેયર વિશે જણાવે છે. તે પંજાબીમાં જણાવે છે કે, તેનો પતિ બીજી મહિલા સાથે ચક્કરમાં છે. આ મહિલાઓ તેની સાથે જ રહે છે અને તે વિરોધ કરે તો, મારે છે. મનદીપે જણાવ્યું હતું કે, પિયરવાળાઓ સમજાવાની ઘણી કોશિશ કરી, પણ તે સુધરવા તૈયાર જ નથી. મનદીપે આરોપ લગાવ્યો છે કે, તેનો પતિ ત્રણ દિવસ સુધી તેનુ અપહરણ કર્યું અને તેની સાથે મારપીટ કરી. ત્યાર બાદ તેના પિતાએ પોલીસમાં ફરિયાદ કરવાનો નિર્ણય કર્યો, જો કે, માફી માગવા પર મનદીપે તેને માફ કરી દીધો હતો.
દિકરો ન થતાં મારપીટ કરતો
મનદીપને બે દિકરીઓ પણ છે. તેમાંથી એક છ વર્ષ અને બીજી ચાર વર્ષની છએ. મનદીપની બહેન કુસદીપે આરોપ લગાવ્યો છે કે, દિકરી જન્મતા તેનો પતિ રંજોધીર તેને મારતો હતો. તે દહેજમાં 50 લાખ રૂપિયા અને એક દિકરાની ઈચ્છા રાખતો હતો. આ મામલામાં મનદીપના પિતા બિઝનૈરના નઝીબાબાદ પોલીસ સ્ટેશનમાં સાસરિયા વિરુદ્ધ ફરિયાદ પણ નોંધાવી છે. તો વળી ન્યૂયોર્ક પોલીસ પણ આ મામલે તપાસ કરી રહી છે.