ક્રિકેટ / ભારતીય મહિલા વિકેટ કિપર તાનિયા ભાટીયા સાથે લંડનની હોટલમાં ચોંકાવનારી ઘટના બની, જાતે કહ્યું

• ભારતીય મહિલા વિકેટ કિપર તાનિયા ભાટીયાનો ચોંકવનારો ખુલાસો
• લંડનની મેરિએટ હોટલના રુમમાંથી બેગની થઈ ચોરી 
• બેગમાં રોકડ રુપિયા, દાગીના સહિતના ઘણો સામાન હતો 
• રુમમાં અચાનક કોઈ ઘુસી આવ્યું, બેગ લઈને ફરાર થયો 

ભારતીય મહિલા ક્રિકેટ ટીમે હજુ બે દિવસ પહેલા વનડે સિરિઝમાં ઈંગ્લેન્ડનો વ્હાઈટ વોશ કરીને ઘેર આવી છે. ભારત આવેલી મહિલા વિકેટ કિપર તાનિયા ભાટીયાએ એક ચોંકાવનારો દાવો કર્યો છે. તાનિયા ભાટીયાએ કહ્યું કે જે લંડનમાં જે હોટલમાં ઉતરી હતી ત્યાંથી કોઈક તેની બેગ ચોરીને જતું રહ્યું હતું. બેગમાં રોકડા રુપિયા, દાગીના, ઘડિયાળ સહિતનો કેટલોક કિંમત સામાન હતો. 

Indian cricketer Taniyaa Sapna Bhatia tweets that her bag with cash, cards, watches & jewellery was stolen from her personal room during her stay at Marriot Hotel London. Also asks for quick investigation & resolution of the matter. pic.twitter.com/z4YGcRaE01

— ANI (@ANI) September 26, 2022

1/2 Shocked and disappointed at Marriot Hotel London Maida Vale management; someone walked into my personal room and stole my bag with cash, cards, watches and jewellery during my recent stay as a part of Indian Women's Cricket team. @MarriottBonvoy @Marriott. So unsafe.

— Taniyaa Sapna Bhatia (@IamTaniyaBhatia) September 26, 2022

મેરિએટ હોટલમાંથી કોઈક કિંમતી સામાન ભરેલી બેગ ઉઠાવી ગયું 
ભાટિયાએ સોમવારે ટ્વિટર પર લખ્યું, "મેરિએટ હોટલ લંડન મેડા વેલેના મેનેજમેન્ટથી આઘાત અને નિરાશ છું. ભારતીય મહિલા ક્રિકેટ ટીમના પ્રવાસ વખતે હોટલમાં મારા રોકાણ દરમિયાન, કોઈક મારા ખાનગી રૂમમાં આવ્યું હતું અને મારી બેગ ચોરી ગયું હતું. બેગમાં રોકડ, કાર્ડ, ઘડિયાળ અને ઝવેરાત હતા. તે અત્યંત અસુરક્ષિત છે. ક્રિકેટરે આ મામલે તપાસની માગ કરી છે અને વહેલાસર ઉકેલની આશા વ્યક્ત કરી છે. તેણે ઈંગ્લેન્ડ ક્રિકેટ બોર્ડ (ઈસીબી)ની ફેવરિટ હોટલમાં સુરક્ષાના અભાવને આશ્ચર્યજનક ગણાવ્યો હતો. બીજા ટ્વીટમાં ભાટિયાએ લખ્યું, "હું આ મામલે ઝડપથી તપાસની માંગ કરવા અને સમાધાન માટે ઉત્સુક છું. ઇસીબીની મનપસંદ હોટલમાં સુરક્ષાનો અભાવ આશ્ચર્યજનક છે. આશા છે કે, તેઓ આ ઘટનાની નોંધ લેશે. 

હોટલે તાનિયાને જવાબ આપ્યો, તમારી વિગતો મોકલો તપાસ કરાવીશું 
24 વર્ષીય તાનિયા ભાટિયાની ફરિયાદનો જવાબ આપતા હોટલે તેના ટ્વિટર હેન્ડલ પર લખ્યું, "તાનિયા, અમને આ સાંભળીને દુ:ખ થાય છે. કૃપા કરીને તમારા નામ અને ઇમેઇલ એડ્રેસ ઉપરાંત તમારી આરક્ષણ વિગતો શેર કરો, જેથી અમે તેને ચકાસી શકીએ. 

2/2 Hoping for a quick investigation and resolution of this matter. Such lack of security at @ECB_cricket's preferred hotel partner is astounding. Hope they will take cognisance as well.@Marriott @BCCIWomen @BCCI

— Taniyaa Sapna Bhatia (@IamTaniyaBhatia) September 26, 2022

તાનિયાને ઈંગ્લેન્ડમાં એક પણ મેચ રમવા ન મળી 
ભાટિયા ઈંગ્લેન્ડ સામેની ટી-20 અને વન ડે ટીમમાં સામેલ હતી. જોકે તેને આ પ્રવાસમાં એક પણ મેચ રમવાની તક મળી નહતી. રિચા ઘોષ ટી-૨૦ સિરીઝમાં ભારતની વિકેટકીપર હતી જ્યારે યસ્તિકા ભાટિયાએ વન-ડે સિરીઝમાં તાકાત બતાવી હતી. તાનિયા આગામી એશિયા કપ 2022 માટે ભારતની ટીમમાં સામેલ છે પરંતુ તેને રિઝર્વ પ્લેયર તરીકે સામેલ કરવામાં આવી છે.