માહી પાસે AUS વિરુદ્ઘની સીરિઝ માં અનોખા વર્લ્ડ રેકોર્ડની તક

મહેન્દ્રસિંહ ધોની ભલે કરિયરના અંતિમ પડાવ પર હોય પરંતુ તે દરેક મેચમાં નવી નવી સિદ્ધિ હાંસલ કરી રહ્યો છે. ધોની પાસે ઓસ્ટ્રેલિયા સામેની ઘરેલુ સીમિત ઓવરની સીરિઝમાં એક અનોખો વર્લ્ડ રેકોર્ડ સર્જવાની તક રહેશે. ધોની ઇન્ટરનેશનલ ક્રિકેટમાં સૌથી વધુ ઇનિંગ્સમાં વિકેટકીપિંગ કરવાનો રેકોર્ડ પોતાના નામ પર કરી શકે છે.

ઇન્ટરનેશનલ ક્રિકેટમાં સૌથી વધુ ઇનિંગ્સમાં વિકેટકીપિંગ કરવાનો રેકોર્ડ હાલ સાઉથ આફ્રિકા ના ભૂતપૂર્વ વિકેટકીપર માર્ક બાઉચરના નામે નોંધાયેલો છે. બાઉચરે કુલ 596 ઇનિંગ્સમાં વિકેટકીપિંગ કર્યું છે. બાઉચર ત્રણેય ફોર્મેટમાં મળીને 467 મેચ (147 ટેસ્ટ 295 ચૂક્યો છે. તેણે બાઉચરને પાછળ છોડવા માટે વધુ ત્રણ ઇનિંગ્સમાં વિકેટકીપિંગ કરવું પડશે અને તેની પાસે ઓસ્ટ્રેલિયા સામેની શ્રેણી (2 T-20 અને 5 વન ડે)માં બાઉચરનો રેકોર્ડ તોડવાની શ્રેષ્ઠ તક રહેશે. જો માહી 2 T-20 મેચમાં વિકેટકીપિંગ કરશે તો તે ત્યાર બાદ રમાનારી પ્રથમ વન ડેમાં જ આ અનોખો રેકોર્ડ પોતાના નામે કરી લેશે.

ધોની ઇન્ટરનેશનલ ક્રિકેટમાં કુલ 524 મેચ (90 ટેસ્ટ 338 વન ડે અને 96 T-20) રમી ચૂક્યો છે. 37 વર્ષીય માહીએ 23 ડિસેમ્બર 2004ના રોજ બાંગ્લાદેશ સામે ચિત્તગોંગમાં વન ડે મેચ દરમિયાન આંતરરાષ્ટ્રીય ક્રિકેટમાં ડેબ્યૂ કર્યું હતું. ટેસ્ટ ક્રિકેટને અલવિદા કહી ચૂકેલા ધોની વર્લ્ડ કપ-2019 બાદ ઇન્ટરનેશનલ ક્રિકેટમાંથી નિવૃત્તિની જાહેરાત કરી દે તેવી શક્યતા છે. આ સ્થિતિમાં ઓસ્ટ્રેલિયા સામે ઘરઆંગણે તેની આ છેલ્લી સીરિઝ બની રહેશે.