ચીન અને યુરોપના કેટલાંક દેશોમાં ફરી કોરોનાના કેસ વધી રહ્યાં છે. ત્યારે વધી રહેલા સંકટને ધ્યાનમાં રાખી કેન્દ્રીય આરોગ્ય સચિવ રાજેશ ભૂષણે તમામ રાજ્યો/કેન્દ્રશાસિત પ્રદેશોના વધારાના મુખ્ય સચિવોને જરૂરી સૂચનાઓ આપી છે.
ચીન અને યુરોપના કેટલાંક દેશોમાં કોરોનાની સ્થિતિ ચિંતાજનક
કેન્દ્રીય આરોગ્ય સચિવનો તમામ રાજ્યોને પત્ર દ્વારા આદેશ
UK અને જર્મનીમાં પણ કોરોનાના કેસો વધી રહ્યાં છે
અલબત્ત, ભારતમાં કોરોનાની સ્થિતિ અત્યારે હાલમાં સારી છે અને દર્દીઓનો ગ્રાફ પણ ખૂબ ઓછો છે, પરંતુ પડોશી દેશ ચીન અને યુરોપના કેટલાંક દેશોમાં સ્થિતિ ચિંતાજનક થતી જોવા મળી રહી છે. છેલ્લાં કેટલાંક અઠવાડિયામાં અહીં કોરોનાના કેસો સતત ઝડપથી વધી રહ્યાં છે. આવી સ્થિતિમાં ભારતમાં પણ હવે ચિંતા વધવા લાગી છે. ત્યારે સંકટને ધ્યાનમાં રાખી કેન્દ્રીય આરોગ્ય સચિવ રાજેશ ભૂષણે તમામ રાજ્યો/કેન્દ્રશાસિત પ્રદેશોના અધિક મુખ્ય સચિવોને પત્ર લખીને કેટલીક સાવચેતી રાખવાની સૂચના અપાઇ છે.
Union Health Secretary Rajesh Bhushan writes to all Addl Chief Secys, Principal Secys, Secys (Health) of all States/UTs, emphasizing that there should be a continued focus on the five-fold strategy, i.e., Test-Track-Treat-Vaccination and adherence to COVID Appropriate Behavior. pic.twitter.com/XIqkvXR1fF
રાજેશ ભૂષણે પોતાના પત્ર દ્વારા તમામને કહ્યું કે, દરેક જગ્યાએ ટેસ્ટ, ટ્રેક, ટ્રીટ, વેક્સિનેશન અને કોરોનાનાં નિયમોનું પાલન કરવા પર ધ્યાન કેન્દ્રિત કરવાની જરૂર છે. વધુમાં કહ્યું કે, તમામ સંબંધિત અધિકારીઓ અને વિભાગોએ આ પાંચ મુદ્દાઓ પર યોગ્ય રીતે કામ કરવાની જરૂર છે. ડૉક્ટરો પણ નવા ખતરાને જોતા લોકોને સાવચેત રહેવાનું કહી રહ્યાં છે.
આ દેશોની હાલમાં ખરાબ હાલત
કોરોનાએ ફરી એક વાર ચીનની હાલત ખરાબ કરી દીધી છે. છેલ્લાં કેટલાંક અઠવાડિયાથી ચીનમાં કોરોનાના રેકોર્ડબ્રેક દર્દીઓ જોવા મળી રહ્યાં છે. 14 માર્ચે, ચીનમાં 3602 લોકોમાં સંક્રમણની પુષ્ટિ થઈ હતી, જે ફેબ્રુઆરી 2020 બાદ સૌથી વધુ છે. 20 ફેબ્રુઆરીથી ચીનમાં સતત કેસ વધી રહ્યાં છે. છેલ્લાં 5 દિવસના આંકડાઓ પર જો નજર કરીએ તો ત્યાં દરરોજ 1000 થી વધુ નવા કેસ સામે આવી રહ્યાં છે. ચીનમાં આખાય વર્ષ 2021 માં 15,248 કોરોનાના કેસ જોવા મળ્યાં હતાં તો 2022 નાં 3 મહિનામાં સંક્રમિતોની સંખ્યા 23 હજારને વટાવી ગઈ. તો બીજી બાજુ હવે UK અને જર્મનીમાં પણ કોરોનાના કેસો વધી રહ્યાં છે.