વૉશિંગ્ટન: અમેરિકાના ઇતિહાસમાં ક્યારેય ન થયું હોય તેવા થવાની સંભાવના છે. એટલે કે ભારતીય મુળની એક મહિલા અમેરિકામાં રાષ્ટ્રપતિ પદની ચૂંટણી લડી શકે છે. તુલસી ગબ્બાર્ડના નામને લઇને ચર્ચા ચાલી રહી છે તે તેઓ 2020માં આવનારી ચૂંટણીમાં ભાગ લેશે.
તુલસી બરાક ઓબામાના પક્ષ ડેમોક્રેટિક તરફથી રાષ્ટ્રપતિ પદના ઉમેદવાર બની શકે છે. તુલસી ગબ્બાર્ડ અમેરિકાની કોંગ્રેસમાં પહેલા હિન્દુ સાંસદ છે. 37 વર્ષિય તુલસી ગબ્બાર્ડ મુળ ભારતીય વંશના છે. પછી તેઓ અમેરિકામાં સ્થાયી થઇ ગયા.
લોસ એન્જેલસમાં થયેલા એક કાર્યક્રમમાં તુલસીના નામની ચર્ચા થઇ. ત્યારબાદ તુલસી ગબ્બાર્ડે ઉભા થઇને લોકોનું અભિવાદન પણ કર્યું. ડિસેમ્બરના અંતમાં તુલસી ગબાર્ડના નામની જાહેરાત થાય તેવી સંભાવના છે. હાલમાં પ્રચારકો અને દાન માટેની પ્રક્રિયા શરૂ થઇ હોવાના અહેવાલ છે.
જો તેઓ રાષ્ટ્રપતિ ચૂંટણીમાં ઉમેદવાર જાહેર થાય છે તો તેઓ એક પ્રમુખ રાજકીય પાર્ટીની પહેલી હિંદુ ઉમેદવાર હશે. જો તે પસંદગી પામે છે તો તેઓ સૌથી યુવા અને પ્રથમ મહિલા રાષ્ટ્રપતિ હશે. તુલસી ગત અઠવાડીયે જ પ્રતિનિધિ સભા માટે ચોથીવાર પસંદગી પામી છે.