કોઈ પણ આદેશ વિના ભારતીય ઉદ્યોગપતિઓ દ્વારા રાષ્ટ્રવાદની ભાવના દર્શાવતા, તેઓએ મલેશિયાને આંચકો આપવાનું શરૂ કર્યું છે. મલેશિયાએ પાકિસ્તાન પ્રત્યે પ્રેમ દર્શાવતા જમ્મુ કાશ્મીરમાંથી કલમ 370 હટાવવાનો વિરોધ કર્યો હતો. હવે ભારતીય આયાતકારોએ પામ તેલ માટે ઇન્ડોનેશિયા જવાનું શરૂ કર્યું છે, જેનાથી મલેશિયાની બેચેની વધી છે.
કલમ 370 મામલે મલેશિયાનો પાકને ટેકો
ભારતીય વેપારીઓએ મલેશિયા પાસેથી પામતેલ આયાત નહીં કરવાનો કર્યો નિર્ણય
મલેશિયા મુંઝાયું
હકીકતમાં જોઇએ તો, મલેશિયા ભારતીય ઉદ્યોગપતિઓના આ પગલાથી એટલું ભરાઈ ગયું છે કે હવે તે ભારત સાથેના સંબંધની હાકલ કરી રહ્યું છે. મલેશિયા હવે પામતેલની ખરીદી માટે ઈન્ડોનેશિયાના સંપર્કમાં રહેલા ભારતીય ઉદ્યોગપતિઓને રોકવાનો પ્રયાસ કરી રહ્યું છે.
મલેશિયા પામ ઓઇલ એસોસિએશને આપ્યું નિવેદન
મલેશિયા પામ ઓઇલ એસોસિએશન (MPOA) એ ત્યાં એક મીડિયાને જણાવ્યું હતું કે, ભારત દ્વારા મલેશિયાથી પામ ઓઇલ સહિત અન્ય ઉત્પાદનોની આયાત બંધ કરવાનું વિચારી રહ્યા હોવાના અહેવાલો છતાં બંને દેશો વચ્ચેનો વેપાર સામાન્ય રહી શકે છે. કારણ કે મલેશિયા ભારત સાથે મજબૂત દ્વિપક્ષીય સંબંધો ધરાવે છે.
ભારતના નિર્ણયથી પડી શકે ગંભીર અસર
ફ્રીમલેશિયનટુડે ડોટ કોમના રવિવારે પ્રસિદ્ધ થયેલ એક અહેવાલમાં એમપીઓએના વડા નજીબ વહાબના હવાલાથી કહેવામાં આવ્યું છે કે જો ભારત આ પ્રકારનો કઠોર નિર્ણય લેશે તો તેની તેના ઉપર ગંભીર અસર પડશે.
કોઇ જ અસર નહીં પડે : ઉદ્યોગકારોનું નિવેદન
જો કે, ભારતીય ખાદ્યતેલ ઉદ્યોગ કહે છે કે આનાથી ભારત પર અસર નહીં પડે કારણ કે ભારતીય આયાતકારોએ પહેલેથી જ ઇન્ડોનેશિયા સાથે પામ ઓઇલના સોદા કરવાનું શરૂ કરી દીધું છે.
ભારત મલેશિયા પાસેથી પામતેલ આયાત કરનારો મોટો દેશ
સોલવન્ટ એક્સ્ટ્રેક્ટર્સ એસોસિએશન (એસઇએ) ઓફ ઇન્ડિયાના પ્રમુખ અતુલ ચતુર્વેદીએ આઈએએનએસને જણાવ્યું હતું કે ભારતમાંથી પામતેલની ખરીદી અટકેલા કારણે મલેશિયામાં અશાંતિ ફેલાઈ છે કારણ કે મલેશિયામાં પામતેલનો સૌથી મોટો આયાત કરનાર દેશ છે. માટે આ પ્રકારની વાત કરવામાં આવી રહી છે.
ઇન્ડોનેશિયાથી પામની ખરીદી કરશે ભારત
રિપોર્ટ અનુસાર વહાબે કહ્યું હતું કે જો ભારત મલેશિયાથી પામ ખરીદશે નહીં, તો તેણે ઇન્ડોનેશિયાથી તેની જરૂરીયાતો પૂરી કરવી પડશે અને ઇન્ડોનેશિયા જે પણ ભાવ માંગે છે તે ભારત દ્વારા સ્વીકારવું પડશે. ચતુર્વેદીએ કહ્યું, 'અમારે ઇન્ડોનેશિયાથી પામતેલ કયા દરે ખરીદવો પડશે, તે અમારો મુદ્દો છે. અમારા માટે દેશનો પ્રશ્ન પહેલા છે, પછી વ્યાપારિક સંબંધ છે.