INDvsNZ / પ્રથમ વન ડે ભારતીય ટીમની શાનદાર બેટિંગ ; અય્યરે ફટકારી સદી, ન્યૂઝીલેન્ડને આપ્યો 348 રનનો લક્ષ્યાંક

• ભારતે ન્યૂઝીલેન્ડને 348 રનનો આપ્યો લક્ષ્યાંક 
• શ્રેયસ અય્યરે ફટકારી સદી 
•  ટિમ સાઉદીએ લીધી 2 વિકેટ 

ભારતીય ટીમે પહેંલા બેટિંગ કરતા 50 ઓવરમાં 347 રન બનાવ્યા. ટીમમાં સૌથી વધારે રન શ્રેયસ અય્યરે 103 રન બનાવ્યા છે. શ્રેયસ અય્યરે આજે કરિયરની પહેલી સદી ફટકારી હતી. કેપ્ટન કોહલીએ 51 અને કે એલ રાહુલે 88 રન કર્યા હતા. છેલ્લી ઘડીએ બેટિંગ કરવા આવેલ કેદાર જાધવે પણ 15 બોલમાં 26 રન કર્યા હતા. 

ન્યૂઝીલેન્ડ તરફથી ટિમ સાઉદીએ 2 અને કોલીન ડી ગ્રેંડહોમ અને ઈશ સોઢીએ એક-એક વિકેટ ઝડપી હતી. ભારતીય ટીમ પહેલાં બેટિંગ કરતા 54 રનના સ્કોર પર ઓપનીંગ બેટ્સમેન પૃથ્વી અને મયંકની વિકેટ ગુમાવી દીધી. 

 જે બાદ વિરાટ કોહલી અને શ્રેયસ અય્યરે શાનદાર બેટિંગ કરીને લાંબી પાર્ટનરશીપ કરી. પરંતુ વિરાટ કોહલી ઈશ સોઢીની બોલ પર બોલ્ડ થઇ ગયા. કોહલીના આઉટ થયા બાદ અય્યર અને રાહુલે 136 રનની પાર્ટનરશીપ કરી. જે બાદ અય્યર પણ કેચ આઉટ થઇ ગયા. અંત સમયમાં બેટિંગ કરવા આવેલ કેદાર જાધવે ખુબ આક્રામક બેટિંગ કરી. જાધવ ભારતનો સ્કોર 347 સુધી લઇ ગયા હતા. નોંધનીય છે કે ભારત તરફથી પૃથ્વી અને મયંક ડેબ્યુ કરી રહ્યા છે. 

ભારતીય ટીમ : વિરાટ કોહલી, પૃથ્વી શો, મયંક અગ્રવાલ, કે એલ રાહુલ, મનીષ પાંડે, ઋષભ પંત, શ્રેયસ અય્યર, શિવમ દુબે, રવીન્દ્ર જાડેજા, કુલદીપ યાદવ, યુજવેન્દ્ર ચહલ, મોહમ્મદ શમી, જસપ્રીત બુમરાહ, શાર્દુલ ઠાકુર, નવદીપ સૈની