વિશ્વ / કેનેડામાં ભારતીય વિદ્યાર્થીની ગોળી મારી ઘાતકી હત્યા, સુરક્ષા ગાર્ડ તરીકે કરતો હતો કામ

Indian Student Shot dead in Canada: હજુ બે દિવસ પહેલા જ કેનેડામાં ભારતીય વિદ્યાર્થીની હત્યા કરી દેવામાં આવી હતી. આ કેસમાં આરોપી અને મૃતક વિદ્યાર્થી એક જ રૂમમાં રહેતા હતા. આ ઘટના હજુ ભુલાઈ નથી, ત્યારે હવે વધુ એક ભારતીય વિદ્યાર્થીની હત્યાની ઘટના બની છે. કેનેડામાં 20 વર્ષીય ભારતીય વિદ્યાર્થીની ગોળી મારીને હત્યા કરી દેવામાં આવી છે.

ભારતીય વિદ્યાર્થી સિક્યુરિટી ગાર્ડ તરીકે કામ કરતો હતો

કેનેડાના એડમોન્ટનમાં એક એપાર્ટમેન્ટમાં ભારતીય વિદ્યાર્થીની હત્યા કરવામાં આવી છે. આ મામલે સ્થાનિક અધિકારીઓએ જણાવ્યું હતું કે, 'શુક્રવારે (7 ડિસેમ્બર 2024) બે શકમંદોની ધરપકડ કરવામાં આવી હતી અને તેમની સામે હત્યાનો આરોપ મૂકવામાં આવ્યો હતો.' ભારતીય વિદ્યાર્થીનું નામ હર્ષદીપ સિંહ છે. જે સિક્યુરિટી ગાર્ડ તરીકે કામ કરતો હતો. કેનેડિયન પોલીસે શનિવારે (8 ડિસેમ્બર 2024) જણાવ્યું હતું કે, 'અમે બે આરોપી - ઇવાન રેન અને જુડિથ સોલ્ટોની ધરપકડ કરી છે - અને તેમની પર પ્રથમ-ડિગ્રી હત્યાનો આરોપ મૂક્યો છે.'

જાણો શું છે સમગ્ર મામલો?

એડમન્ટન પોલીસના જણાવ્યાનુસાર, 'એક એપાર્ટમેન્ટ બિલ્ડિંગમાં ગોળી ચલાવવામાં આવી હોવાના અહેવાલ છે. જે બાદ 107 એવન્યુ વિસ્તારમાં પહોંચતા જ પોલીસે હર્ષદીપ સિંહને બેભાન અવસ્થામાં જોયો. પોલીસ હર્ષદીપને તાત્કાલિક સારવાર માટે હોસ્પિટલ લઈ ગઈ હતી. જો કે હોસ્પિટલ પહોંચતા જ ફરજ પર હાજર ડૉકટરે મૃત જાહેર કર્યો હતો. આ ઘટનાના કથિત સીસીટીવી વીડિયોમાં ત્રણ સભ્યોના ગૃપમાંથી એક હુમલાખોર હર્ષદીપને સીડી પરથી નીચે ફેંકી રહ્યો છે અને પાછળથી ગોળી મારીને હત્યા કરતો જોવા મળી રહ્યો છે.

વધુ વાંચો : રાષ્ટ્રપતિ અસદ સીરિયાથી ભાગીને રશિયા પહોંચ્યા, પુતિને અસદ અને તેનાં પરિવારને રાજકીય આશ્રય આપ્યો

અગાઉ કેનેડાના ઓન્ટારિયોમાં હત્યા કરવામાં આવી હતી

નોંધનીય છે કે, અગાઉ કેનેડાના ઓન્ટારિયોમાં એક ઝઘડા દરમિયાન 22 વર્ષીય ભારતીય વિદ્યાર્થી ગુરાસિસ સિંહની ચાકુ મારીને હત્યા કરી દેવામાં આવી. પોલીસે આ ઘટનામાં એક વ્યક્તિની ધરપકડ કરી છે. પોલીસના જણાવ્યા અનુસાર, 194 ક્વીન સ્ટ્રીટ પર ચલુથી હુમલાની જાણકારી મળી, જ્યાં ગુરાસિસ સિંગ અને 36 વર્ષીય આરોપી ક્રોસ્લે હન્ટર એક જ રૂમમાં રહેતા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ