આ ભારતીય વિદ્યાર્થીએ FBમાં ખામી શોધી કંપનીએ આપ્યા 1.10 લાખ રૂપિયા

સોશિયલ મીડિયાના દિગ્ગજ ફેસબુકમાં થોડા દિવસોથી બગ(ખામીઓ) જણાઇ રહી છે. ફેસબુક બગ શોધવામાં ભારતીય ઘણા આગળ છે. ફેસબુક બગ બાઉંટી પ્રોગ્રામ હેઠળ તેમને ઇનામ આપે છે.

મહારાષ્ટ્રના ધૂલેના રહેવાસી શુભમે હાલમાં જ ફેસબુકમાં ખામી શોધી અને તેના માટે કંપનીએ તેને રિવોર્ડ આપ્યો છે. એટલું જ નહીં આ 2018ના હોલ ઓફ ફેમમાં શુભમને જગ્યા પણ મળી જશે. ફેસબુકે શુભમને 1 500 ડોલર(અંદાજિત 1 00 000 રૂપિયા) આપ્યા છે.

શું ખામી હતી?
શુભમે ફેસબુક પેજમાં બેગ શોધ્યો છે. ફેસબુક પેજના એડમિન રોલ પ્રાઇવેટ હોય છે. પરંતુ શુભમે ફેસબુક ગ્રુપ દ્વારા પેજના એડમિનનું નામ જાણી શકતા હતા. આ બગ પ્રાઇવસીની દ્રષ્ટીએ ઘણું ગંભીર સાબિત થઇ શકતું હતું. ક્યા પેજનું એડમિન કોણ છે આ જાણકારી સામે આવવી એક મોટી સમસ્યા છે.

શુભમના જણાવ્યા અનુસાર આ પ્રાઇવસીથી જોડાયેલ ખામી હતી અને તેનો ફાયદો ઉઠાવીને કોઇ પણ પેજના એડમિનની માહિતી અને તેમના પર્સનલ પ્રોફાઇલને જોઇ શકતા હતા. ઉલ્લેખનીય છે કે ફેસબુક પેજમાં એડમિનને પ્રાઇવેટ રાખવાનું ઓપ્શન હોય છે અને વધુ પડતા પેજના એડમિન્સ પ્રાઇવેટ હોય છે જેથી યૂઝર્સ તેમનું પ્રોફાઇલ જોઇ ન શકે.

તમને જણાવી દઇએ કે શુભમ સિવાય પણ કેટલાક ભારતીયોએ ફેસબુકમાં બગ શોધીને કરોડો રૂપિયા કમાયા છે. બેંગાલુરૂના આનંદ પ્રકાશ આ ફેસબુકમાં બગ શોધવામાં દુનિયામાં નંબર 1 રહી ચૂક્યા છે.