રશિયા અને યુક્રેન વચ્ચે જંગ ચાલી રહ્યો છે. જેમાં કેટલાય ભારતીય નાગરિકો ઉપરાંત અન્ય દેશના નાગરિકો પણ યુક્રેનમાં ફસાઈ ગયા છે. જો કે, ભારતીય નાગરિકો ઓપરેશન ગંગા અંતર્ગત સ્વદએશ પાછા ફરી રહ્યા છે.
રશિયા અને યુક્રેન વચ્ચે ચાલી રહ્યો છે જંગ
જંગમાં કેટલાય ભારતીય નાગરિકો ફસાયા હતા
ભારતીય યુવાને દરિયાદિલી બતાવી
યુક્રેનમાં ચાલી રહેલા ભીષણ જંગની વચ્ચે ભારતીયોના જુસ્સાની કેટલાય કહાનીઓ સામે આવી છે. એક રિપોર્ટમાં જણાવ્યા અનુસાર રશિયા સૈન્ય અભિયાનોની વચ્ચે યુક્રેનમાં ફસાયેલા ભારતીય વિદ્યાર્થી અંકિત યાદવે ફક્ત પોતાની જાતને જ બચાવી નથી, પણ તેણે કીવમાં અભ્યાસ કરતી એક પાકિસ્તાની છોકરીને રોમાનિયાની સરહદ સુધી પહોંચાડવામાં મદદ કરી હતી. અહીંથી પાકિસ્તાની છોકરીને પાકિસ્તાન મોકલવામાં આવી હતી.
ભારતીય યુવકે પાકિસ્તાની છોકરીની મદદ કરી
હાલમાં જ યુક્રેનથી ભારત પાછા આવેલા અંકિત યાદવે જણાવ્યું હતું કે, તેણે આ છોકરીને પાકિસ્તાની દૂતાવાસ સુધી પહોંચાડવામાં મદદ કરી હતી. અંકિત 24 ફેબ્રુઆરીની સાંજે તેને એક બંકરમાં મળ્યો હતો. હું એકલો ભારતીય હતો, જ્યારે બાકી યુક્રેનીઓ લોકોની વચ્ચે આ એક છોકરી પાકિસ્તાની હતી. કારણ યુક્રેની ભાષા આવડતી નહોતી એટલા માટે અમે કોઈ અન્ય સાથે વાત પણ કરી શકતા નહોતા. સતત વધી રહેલા તણાવ વચ્ચે અમે શહેરમાંથી ભાગવાનો પ્લાન બનાવ્યો.
દિલ્હી પહોંચીને આખી કહાની જણાવી
કીવની એક કોલેજમાં અભ્યાસ કરી રહેલા અંકિતે દિલ્હી આંતરરાષ્ટ્રીય હવાઈઅડ્ડા પર ઉતર્યા બાદ પોતાની સ્ટોરી જણાવી હતી. કે, અમે 26 ફેબ્રુઆરીએ ત્યાંથી નિકળવાનો પ્લાન બનાવ્યો હતો, પણ કર્ફ્યૂ લાગી જવાથી અમે નિષ્ફળ રહ્યા હતા. સતત ગોળીબારના કારણે અમને બંકરમાંથી બહાર નિકળવા દીધા નહીં. અમે ભૂખ્યા હતા. ભોજનની વ્યવસ્થા કરવી એક મોટો પડકાર હતો.
જેમ તેમ કરી ખાવાની વ્યવસ્થા કરી
અંકિતે કહ્યું કે, જ્યારે મેં નોઝન સ્પ્રે દ્વારા બંકર છોડવાની ભલામણ કરી તો, તેમણે મને 27 ફેબ્રુઆરીએ બહાર જવાની મંજૂરી આપી. મેં કર્ફ્યૂની વચ્ચે પોતાની હોસ્ટેલમાં ગયો. અમારા બંને માટે ખાવાનું બનાવ્યું અને પાછા આવ્યા. જો કે, તે ભોજન પણ પુરતુ નહોતું. એટલા માટે 27 ફેબ્રુઆરીની રાતે અમે ફક્ત યુક્રેનિયન તરફથી આપવામાં આવેલા ભાત ખાધા અને સુઈ ગયાં.
કીવમાં ફસાયા હતા
અંકિતે કહ્યું કે, 28 ફેબ્રુઆરીએ જ્યારે કર્ફ્યૂ હટ્યો તો, અમે બંકરમાંથી નિકળ્યા અને એક દુકાને જઈને ખાવાનો સામાન લીધો અને ફરીથી શહેર છોડી દેવાનો પ્લાન બનાવ્યો. આ દરમિયાન તેને પાકિસ્તાની દૂતાવાસ તરફથી ફોન આવ્યો. તેણે દૂતાવાસને જણાવ્યું કે, તે કીવમાં છે અને તેની સાથે પાકિસ્તનનો કોઈ અન્ય વ્યક્તિ નથી. ત્યાર બાદ પાકિસ્તાની દૂતાવાસના અધિકારીઓ મને અપીલ કરી કે, હું તેને સુરક્ષિત સરહદે પહોંચાડી દઉં.
ટ્રેન દ્વારા સરહદે પહોંચ્યા
ત્યાર બાદ હું પાંચ કિલોમીટર પગપાળાએ ચાલીને રેલ્વે સ્ટેશન સુધી પહોંચ્યો અને અમુક વિદ્યાર્થીઓને મળ્યો. અમે ભીડના કારણે પહેલી ત્રણ ટ્રેનમાં ચડી શક્યા નહીં. સૌભાગ્યથી અમને બીજી ટ્રેન મળી ગઈ. અમે ટ્રેનમાં ફર્શ પર બેઠા. ત્યાર બાદ છોકરીએ પાકિસ્તાની દૂતાવાસ સાથે સંપર્ક કર્યો. પાકિસ્તાની દૂતાવાસે એક ટેક્સીની વ્યવસ્થા કરી. બાદમાં રોમાનિયાની સરહદ સુધી એક બસની વ્યવસ્થા કરી આપી.