આ સપ્તાહના પ્રથમ દિવસ એટલે સોમવારના મોટા ઘટાડાના બીજા જ દિવસે ભારતીય શેર બજારે જોરદાર વાપસી કરી છે. રોકાણકારોની ભારે ખરીદીને કારણે મંગળવારનો દિવસ બજાર માટે ખૂબ જ શુભ સાબિત થયો છે.
સોમવારે ભારતીય બજારમાં ઘટાડો થયો હતો
ગણેશ ચતુર્થીના આગલા દિવશે માર્કેટ લીલા નિશાનમાં
સેન્સેક્સ 1535 અંકના વધારા સાથે 59,507 બંધ થયો
આ સપ્તાહના પ્રથમ દિવસ એટલે સોમવારના મોટા ઘટાડાના બીજા જ દિવસે ભારતીય શેર બજારે જોરદાર વાપસી કરી છે. રોકાણકારોની ભારે ખરીદીને કારણે મંગળવારનો દિવસ બજાર માટે ખૂબ જ શુભ સાબિત થયો છે. સેન્સેક્સ ફરી 59 હજારની સપાટી પાર કરવામાં સફળ રહ્યો છે. આજના કારોબારના અંતે મુંબઈ શેરબજારનો સૂચકાંક સેન્સેક્સ 1535 અંકના વધારા સાથે 59,507 પર બંધ થયો હતો, જ્યારે નેશનલ સ્ટોક એક્સચેંજનો નિફ્ટી 438 અંકના વધારા સાથે 17,757 અંક પર બંધ થયો હતો. બુધવારે ગણેશ ચતુર્થીની રજાના કારણે શેરબજાર બંધ રહેશે.
આજે વધુ પડતા શેર લીલા નિશાને
બજારમાં તેજી એવી હતી કે તમામ સેક્ટરના ઈન્ડેક્સ લીલા નિશાનમાં બંધ થયા છે. આઈટી, બેન્કિંગ, ઑટો, ફાર્મા, એફએમસીજી, એનર્જી, મેટલ, કંઝ્યુમર ડ્યુરેબલ્સ, ઑયલ એન્ડ ગેસ ઉપરાંત મીડિયા સેક્ટરના શેરોમાં ખરીદારી થઈ છે. મિડકેપ અને સ્મોલ કેપ શેરોમાં પણ વધારો જોવા મળ્યો હતો. નિફ્ટીના તમામ 50 શેરો લીલા નિશાનમાં બંધ થયા છે. તો સેન્સેક્સના તમામ 30 શેરો લીલા નિશાનમાં બંધ થયા છે.
આ શેરોમાં આજે વધારો થયો
બજાજ ફિનસર્વ 5.47 ટકા, બજાજ ફાઇનાન્સ 4.86 ટકા, ઇન્ડસઇન્ડ બેન્ક 4.15 ટકા, ટેક મહિન્દ્રા 3.96 ટકા, આઇસીઆઇસીઆઇ બેન્ક 3.72 ટકા, કોટક મહિન્દ્રા 3.46 ટકા, તાતા સ્ટીલ 3.29 ટકા, એચડીએફસી 3.28 ટકા, એચયુએલ 3.27 ટકા, એચડીએફસી બેન્ક 3.21 ટકા વધ્યા હતા.
આ શેરોમાં ઘટાડો જોવા મળ્યો
ઘટતા શેર પર નજર કરીએ તો, એનએમડીસી 1.29 ટકા, ડો.લાલપથ લેબ 1.20 ટકા, કોરોમંડલ એન્ટરપ્રાઇઝ 0.85 ટકા, ભારત ઇલેક્ટ્રોનિક્સ 0.76 ટકા, બીએચઈએલ 0.68 ટકા, સન ટીવી 0.49 ટકા, ગ્લેનમાર્ક 0.35 ટકા, આરબીએલ બેન્ક 0.29 ટકા બંધ રહ્યા હતા.