ચીનની ધમકી / ભારતની આ કાર્યવાહીથી ચીન છંછેડાયું, કહ્યું જો સરહદ પર આવું કઈં પણ થયું ને તો..

• ભારતીય સૈનિકોને હથિયારોની મુક્તિ મળતાં ચીની સરકારી અખબાર ભડક્યું
• ચીનના અખબારે ધમકી આપી હતી કે, ભારતીય સૈનિકોએ ફાયરિંગ કર્યુ તો પરિણામ વધુ ખરાબ થશે.
• ગ્લોબલ ટાઇમ્સે તેના સંપાદકીયમાં 1962 ના યુદ્ધની યાદ અપાવતા ધમકી પણ આપી હતી.

ગ્લોબલ ટાઇમ્સે લખ્યું છે કે, જો ફાયરિંગનો હુકમ સાચો સાબિત થાય તો તાજેતરના ઘટનાક્રમમાં ભારત-ચીન સરહદ પર બંને સૈન્ય વચ્ચે થયેલા વિશ્વાસ વધારવાના કરારનું ગંભીર ઉલ્લંઘન હશે. સરહદ પર અથડામણ ક્યારેક-ક્યારેક થાય છે અને બંને દેશોએ ઘણા દાયકાઓથી ગોળી નથી ચલાવી. જો ભવિષ્યમાં ભારતીય સૈનિકો ચીની સૈનિકો વિરુદ્ધ શસ્ત્રોનો ઉપયોગ કરશે તો સરહદી વિસ્તારોનું ચિત્ર બદલી નાંખશે દેશે.

વર્ષ 1962 ની સરખામણીએ આજે ​​પરિસ્થિતિ જુદી નથી

ચાઇનીઝ અખબારે જણાવ્યું હતું કે, "અમે ભારતીય રાષ્ટ્રવાદીઓને ચેતવવા માંગીએ છીએ કે જો તમારા સૈનિકો શસ્ત્ર વિના યુદ્ધ જીતી શકતા નથી તો શસ્ત્ર તેમને મદદ નહીં કરે." આનું કારણ એ છે કે ચીનની સૈન્ય તાકાત ભારત કરતા વધુ આધુનિક અને મજબૂત છે. અમે જણાવવા માંગીએ છીએ કે 1962 થી આજની પરિસ્થિતિ જુદી નથી. ચીનનો જીડીપી ભારત કરતા પાંચ ગણો છે અને ચીનનો સૈન્ય ખર્ચ ભારત કરતા ત્રણ ગણો છે. '

ગ્લોબલ ટાઈમ્સે કહ્યું કે જો  ભારત અને ચીન વચ્ચે સીમા વિવાદ પર અથડામણ અથવા સ્થાનીય યુદ્ધમાં પરિવર્તિત થઈ તો આ ઈંડાનું પહાડ સાથે અથડાવા જેવું હશે. તેમને એમ પણ કહ્યું કે ચીન ભારતની સાથે તણાવને ભડકાવવા નથી માંગતું પરંતુ અમારી અંદર ભારતીયોની ઉશ્કેરણીને જવાબ આપવાની ક્ષમતા છે. આ ભારતના હિતમાં છે. સીમા વિવાદને નિયંત્રણમાં રાખે.

ભારત સરકારે સૈન્યને 'સંપૂર્ણ સ્વતંત્રતા' આપી

અગાઉ પૂર્વ લદ્દાખની ગલવાન ખીણમાં ચીની સૈનિકો સાથેની હિંસક ઝઘડા પછી ભારત સરકારે એક્ચ્યૂલ લાઈન ઓફ કન્ટ્રોલની બાજુમાં સ્થિત ભારતીય સૈનિકોને 'સંપૂર્ણ સ્વતંત્રતા' આપી હતી. સરકારે એલએસી પરના નિયમોમાં ફેરફાર કર્યા છે. આ અંતર્ગત સૈન્ય ક્ષેત્રના કમાન્ડરોને સૈનિકોને ખાસ સંજોગોમાં શસ્ત્રોનો ઉપયોગ કરવાની મંજૂરી આપવા માટે સત્તા આપવામાં આવી છે.

સરકારના નવા નિયમો અનુસાર, એલએસી પર તૈનાત કમાન્ડર સૈનિકોને વ્યૂહાત્મક સ્તરે પરિસ્થિતિઓને સંભાળવાની અને દુશ્મનોની હિંમતનો 'પ્રતિસાદ' આપવાની સંપૂર્ણ સ્વતંત્રતા રહેશે. ઉલ્લેખનીય છે કે દેશના વિદેશ પ્રધાન એસ જયશંકરે કહ્યું હતું કે 1996 અને 2005 માં દ્વિપક્ષીય કરારની જોગવાઈ અનુસાર બંને પક્ષની સેનાઓ મુકાબલા દરમિયાન હથિયારોનો ઉપયોગ કરતી નથી. તેમણે જવાબમાં કહ્યું હતું કે, 15 જૂને ગલવાનમાં થયેલી અથડામણ દરમિયાન ભારતીય સૈનિકોએ શસ્ત્રોનો ઉપયોગ કર્યો ન હતો.