ટીમ ઇન્ડિયાએ એજબેસ્ટન ખાતે રમાયેલી મેચમાં બાંગ્લાદેશને હરાવીને વર્લ્ડ કપ સેમિફાઇનલમાં જગ્યા બનાવી દીધી છે, પરંતુ ટીમના કેપ્ટન વિરાટ કોહલી પર પ્રતિબંધ લાગી શકે તેની શક્યતાઓ છે.
ગ્રાઉન્ડ પર પોતાના આક્રમક રવૈયાને કારણે અલગ ઓળખાણ બનાવી ચૂકેલા વિરાટ કોહલી પર પ્રતિબંધ લાગી શકે છે. વાસ્તવમાં બાંગ્લાદેશની ઇનિંગ વિરુદ્ઘ 12મી ઑવરમાં મોહમ્મદ શમીના બીજા બૉલ પર સૌમ્ય સરકાર વિરુદ્ઘ LBWની અપીલ કરી, જેને અમ્પાયરે ફગાવી દીધી. વિરાટ કોહલીએ આ માટે DRSનો ઉપયોગ કર્યો.
જોકે મોહમ્મદ શમીનો બોલ બાંગ્લાદેશના ઑપનર સૌમ્ય સરકારને પેનડે અડ્યો હતો. જોકે ફિલ્ડ અમ્પાયરે કોહલીનો દાવો ખારિજ કરીને થર્ડ અમ્પાયરના સિગ્નલ મુજબ ફિલ્ડ અમ્પાયરે સરકારને નોટ આઉટ જાહેર કર્યો પરિણામે ટીમ ઇન્ડિયાનો રિવ્યૂ પણ ખત્મ થઇ ગયો. આ નિર્ણય પછી વિરાટ નારાજ દેખાયો અને અમ્પાયરની સાથે વિવાદ પણ કરવા લાગ્યો નથી.
આ પહેલી વખત નથી જ્યારે વિરાટ કોહલી અમ્પાયરની સાથે ચર્ચા કરી હોય .આ ટૂર્નામેન્ટ દરમિયાન અફધાનિસ્તાન વિરુદ્ઘ મેચમાં વિરાટ કોહલીને 25% મેચ ફી ગુમાવવી પડી કેમકે જરૂર કરતા વધારે અપીલ કરી રહ્યો હતો. આ સાથે જ ICCની નવી આચારસંહિતાના હેઠળ કોહલીના 2 ડિમરેટ પોઇન્ટ થઇ ગયા. આ પહેલા એક પોઇન્ટ તેણે સાઉથ આફ્રિકા સામે 15 જાન્યુઆરી 2018ના રોજ રમાયેલી મેચમાં મળ્યો હતો.
કોહલીએ ICCની આચારસંહિતાના લેવલ 1નો ભંગ કર્યો છે. તેણે ICC આચારસંહિતાની કલમ 2.1નો ભંગ કર્યો છે જેમાં ખેલાડીઓ અમ્પાયરને સપોર્ટ કરે તેવો નિયમ છ. આંતરરાષ્ટ્રીય મેચમાં વધુ અપીલ કરવાથી આ નિયમનો ભંગ થાય છે. આમ કરવાથી ખેલાડીએ મેચ ફીની 50% રકમ સુધી પેનલ્ટી ચૂકવવી પડે છે અથવા તો તેણે કઇ રીતે નિયમ ભંગ કર્યો છે તેના આધારે 1 કે 2 ડિમેરિટ પૉઇન્ટ મળે છે.
જો બે વર્ષના ગાળામાં ચાર કે વધુ ડિમેરિટ પોઈન્ટ મળે તો તે સસપેન્શન પોઇન્ટ્સમાં કન્વર્ટ થઇ શકે છે. તેમાં ખેલાડીઓ પર પ્રતિબંધ લાગી શકે છે. તેમાં એક ટેસ્ટ મેચ, બે ODI કે બે T20 પર પ્રતિબંધ લાગી શકે છે. જે મેચ પહેલા શિડ્યુલ્ડ હોય તેના પર પ્રતિંબધ લદવામાં આવે છે.
ડિમેરિટ પોઈન્ટ્સ બે વર્ષા ગાળા માટે હોય છે. બે વર્ષ બાદ પ્લેયરના રેકોર્ડ ડિલિટ કરી દેવાય છે. મંગળવારે કોહલીએ અમ્પાયર સાથે દલીલ કરી તેના માટે સજા થવાની શક્યતા નથી પરંતુ જો શનિવારે શ્રીલંકા સામે રમાનારી મેચમાં આવુ કંઇક કરશે તો મુશ્કેલી થઇ શકે છે.