માર્કેટ મજામાં! / સોમવારે શેરબજારની જબરદસ્ત શરૂઆત, સેન્સેક્સ 60 હજારને પાર, નિફ્ટી 18 હજારની નજીક

• સોમવારે માર્કેટ તેજીમાં 
• સેન્સેક્સ 60 હજારને પાર, નિફ્ટી 17,900
• જાણો કઈ કંપનીઓ બનાવે છે પ્રોફિટ 

નવા વર્ષના બીજા સપ્તાહના પ્રથમ ટ્રેડિંગ દિવસે સોમવારે સ્થાનિક શેરબજારે જોરદાર શરૂઆત કરી છે. 

SENSEX 60000 ને પાર 
ઓમિક્રોનના વધતા જતા કેસો વચ્ચે આજે એટલે કે સોમવારે BSE ના 30 શેરો પર આધારિત સેન્સેક્સ 325 પોઈન્ટ વધીને 60070 ના સ્તર પર ખુલ્યો હતો, જ્યારે નિફ્ટીએ 17913 ના સ્તરથી આજના દિવસના કારોબારની શરૂઆત કરી હતી.

કયા શેર છે ટોપ પર 
શરૂઆતના કારોબારમાં સેન્સેક્સ 454.72 પોઈન્ટ ઉછળીને 60,199.37 ના સ્તરે જ્યારે નિફ્ટી 118.05 પોઈન્ટના વધારા સાથે 17,930.75 પર ટ્રેડ કરી રહ્યો હતો. કોટક ICICI બેન્ક, AXIS બેન્ક, HDFC બેન્ક, TCS અને મારુતિ NSE પર ટોચના નિફ્ટી ગેનર્સમાં સામેલ છે. બીજી તરફ વિપ્રો, સિપ્લા, સન ફાર્મા, ડૉ. રેડ્ડીઝ અને હિન્દાલ્કો લાલ નિશાન સાથે ટોપ લુઝર્સમાં છે.

ગયા અઠવાડિયે આઠ કંપનીઓના કેપિટલમાં 2.50 લાખ કરોડનો વધારો થયો છે

સેન્સેક્સની ટોચની 10 કંપનીઓમાંથી 8ની માર્કેટ કેપમાં ગયા સપ્તાહે મજબૂત વૃદ્ધિ જોવા મળી હતી. 

રિલાયન્સ ઇન્ડસ્ટ્રીઝ અને ટીસીએસ સૌથી વધુ ફાયદો કર્યો હતો. ગયા અઠવાડિયે, 30 શેરો ધરાવતો BSE SENSEX 1,490.83 પોઈન્ટ્સ અથવા 2.55 ટકા વધ્યો હતો. 

વિપ્રો અને ઈન્ફોસિસની વેલ્યૂ ઘટી 
ટોચની 10 કંપનીઓમાં માત્ર ઈન્ફોસિસ અને વિપ્રોએ તેમના માર્કેટ વેલ્યુએશનમાં ઘટાડો થયો  હતો. રિલાયન્સ ઈન્ડસ્ટ્રીઝનું માર્કેટ કેપિટલાઈઝેશન રૂ. 46,380.16 કરોડ વધીને રૂ. 16,47,762 કરોડ રૂપિયા થયું હતું.