ગઇકાલે શેરબજાર કડડભૂસ થઈ ગયા બાદ આજે ફરી શેરબજારમાં તેજીનો માહોલ જોવા મળ્યો હતો. સેન્સેક્સ 1000 પોઈન્ટ જેટલો ઉછળવાથી ઈન્વેસ્ટર્સને 5 લાખ કરોડનો ફાયદો થયો હતો.
આજે સેન્સેક્સ 1000 પોઈન્ટ સુધી ઊંચકાયો
રોકાણકારોને 5 લાખ કરોડ નો ફાયદો
સવારથી જ લીલા નિશાન પર માર્કેટ
સોમવારે ભારે નુકસાન બાદ આજે શેર બજાર સપ્તાહનાં બીજા દિવસે ઊંચકાયું હતું. બીજા દિવસે બજાર લીલા નિશાન પર ખુલ્યુંય હતું. બોમ્બે સ્ટોક એક્સ્ચેન્જ પર સેન્સેક્સ 1000 પોઈન્ટ વધ્યો હતો અને 56,819 પહોંચી ગયો હતો અને તેના કારણે ઈન્વેસ્ટર્સની 5 લાખ કરોડ રૂપિયાનો ફાયદો થયો હતો. ટાટા સ્ટીલના શેર્સ 5 ટકા જેટલા વધ્યા હતા.
શરૂઆત ભલી
BSE ના 30 શેર વાળો સેન્સેક્સ 498 પોઇન્ટના વધારા સાથે ખૂલ્યો હતો. સામે NSE ના નિફ્ટીમાં 158 પોઇન્ટ્સના વધારા સાથે કારોબારની શરૂઆત થઈ હતી.
આજે શરૂઆત થતાવેંત NSE નો નિફ્ટી 153 પોઈન્ટ અથવા 0.93 ટકા ઉછાળ સાથે 16,768 ના લેવલે પહોંચી ગયો હતો. અને સેન્સેક્સ 520.78 પોઇન્ટ્સના એટલે કે 0.93% વધારા સાથે 56,342.79 ના લેવલે પહોંચ્યો હતો.
સેન્સેક્સમાં 1000 પોઇન્ટ્સ સુધીનો વધારો
શરૂઆતનો તેજીનો માહોલ દિવસ દરમિયાન ચાલુ જ રહ્યો હતો અને સવારે 10 વાગ્યા સુધી સેન્સેક્સ 725 પોઇન્ટ્સ સુધીની ઊંચાઈએ પહોંચીને 56540 ના સ્તરે ટ્રેન્ડ કરવા લાગ્યો હતો. એક સમયે સેન્સેક્સ 905 પોઇન્ટ્સ સાથે આગળ વધ્યો અને નિફ્ટી 268 પોઇન્ટ્સના વધારા સાથે લીલા નિશાન પર ટ્રેન્ડ કરવા લાગ્યો હતો.
ગઇકાલે 10 લાખ કરોડ ડૂબ્યાં હતા
ગઇકાલે શેરબજાર કડડભૂસ થઈ ગયું હતું. સવારે શેરબજાર સેન્સેક્સમાં મોટો કડાકો બોલી ગયો હતો. સેન્સેક્સમાં 1700 પોઈન્ટ અને નિફ્ટી 550 પોઈન્ટ તૂટ્યો હતો. બજારના નિષ્ણાતોના મતે, નબળા વૈશ્વિક સંકેતોને કારણે ગયા સપ્તાહે બજારમાં ઘણું દબાણ હતું અને રોકાણકારોની ધારણા આખું સપ્તાહ ઓછી રહી હતી, જેનું પ્રતિબિંબ ભારતીય બજારોમાં જોવા મળ્યું હતું.