Coronavirus / ઓસ્ટ્રેલિયામાં ભારતીય વિજ્ઞાનીએ કોરોના વાયરસ સામેની દવા તૈયાર કરી લીધી?

• ઓસ્ટ્રેલિયામાં કોરોનાનો તોડ શોધવાની નજીક પહોંચ્યા ભારતીય વૈજ્ઞાનિક!
• ભારતીય વૈજ્ઞાનિકનો વેક્સિન બનાવાની નજીક પહોંચવાનો દાવો
• ઓસ્ટ્રેલિયાના CSIROની હાઈ સિક્યોરિટી લેબમાં થઈ રહ્યું છે રિસર્ચ

ઓસ્ટ્રેલિયામાં કોરોનાનો તોડ શોધવાની નજીક પહોંચ્યા ભારતીય વૈજ્ઞાનિક

ઓસ્ટ્રેલિયામાં ભારતીય મૂળના એક વિજ્ઞાનીની આગેવાનીમાં આ વાયરસ માટે વેક્સિન બનાવવાની નજીક પહોંચી ગયાનો દાવો કરવામાં આવ્યો છે. ઓસ્ટ્રેલિયામાં કોમનવેલ્થ સાયન્ટિફિક એન્ડ ઈન્ડસ્ટ્રિયલ રિસર્ચ ઓર્ગેનાઈઝેશન (CSIRO)ની એક હાઈસિકયોરિટી લેબમાં તેના પર રિસર્ચ કરવા માટે પર્યાપ્ત સ્ટોક ઉપલબ્ધ છે.

ઓસ્ટ્રેલિયાની ડોન્ટી ઈન્સ્ટિટયૂટના સંશોધકોએ ગત સપ્તાહે એક વ્યકિતનાં સેમ્પલ પરથી મળેલ વાયરસને આઈસોલેટ કરવામાં કામિયાબી પ્રાપ્ત કરી હતી. CSIROમાં વાયરસનાં ગ્રોથને જોતાં એવું અનુમાન છે કે પ્રિ-ક્લિનિકલ સ્ટડી માટે મોટી સંખ્યામાં તેની જરૂર છે.

વેક્સિન એન્ટિજેન્સને વધારવામાં સમર્થન આપી રહી 

આ ડેવલપમેન્ટને સમર્થન આપતાં પ્રો.એસ.એસ.વાસને એક વાતચીતમાં જણાવ્યું હતું કે,  CSIRO આ બાબતમાં લીડ કરી રહી છે. આ માટે અમે ઈન્સ્ટિટયૂટના અમારા સહયોગીઓનો આભાર માનીએ છીએ કે જેમણે આઈસોલેટ કરવામાં આવેલા વાયરસને અમારી સાથે શેર કર્યો હતો.
રિયલ વાયરસ સાથે ઝડપથી કામ ચાલી રહ્યું છે અને પ્રિ-ક્લિનિકલ સ્ટડી દ્વારા દવા શોધવામાં ઝડપથી મદદ મળે છે. ઓસ્ટ્રે‌લિયન એનિમલ હેલ્થ લેબમાં મારા સહયોગીઓ પણ ડાયગ્નોસ્ટિક, સર્વેલન્સ અને રિસ્પોન્સ પર કામ કરી રહ્યા છે.  CSIROનો એક ભાગ (મેન્યુફેકચરિંગ) યુનિવર્સિટી ઓફ ક્વિન્સલેન્ડ દ્વારા બનાવવામાં આવી રહેલું વેક્સિન એન્ટિજેન્સને વધારવામાં સમર્થન આપી રહી છે.

ચીનમાં અત્યારસુધી 618 લોકોના થઈ ચૂક્યા છે મોત

ચીનમાં કોરોના વાયરસના કારણે વધુ 69 લોકોનાં મોત નિપજ્યા છે. અને અત્યાર સુધી 618 લોકોના મોત થઈ ચૂક્યા છે. વિશ્વભરમાં હાહાકાર મચાવનાર આ વાયરસના તોડને શોધવા માટે વૈજ્ઞાનિકો પ્રયાસ કરી રહ્યાં છે. ત્યારે આ વચ્ચે ઓસ્ટ્રેલિયામાં પ્રવાસી ભારતીયની આગેવાનમાં કોરોના વાયરસની વેક્સિન બનાવાનો દાવો કરવામાં આવ્યો છે. ઓસ્ટ્રેલિયામાં CSIROની એક હાઈસિક્યોરિટી લેબમાં રિસર્ચ કરવામાં આવી રહ્યું છે. અગાઉ ઓસ્ટ્રેલિયાનાં ડોર્ટી ઈન્સ્ટીટ્યૂટનાં શોધકર્તાઓએ ગત સપ્તાહ એક વ્યક્તિના સેમ્પલમાંથી વાયરસને આઈસોલેટ કરવામાં સફળતા મેળવી હતી. પ્રોફેસર એસએસ વાસન CSIRO ડેન્જસ પૈથોજેંસ ટીમને લીડ કરી રહ્યાં છે.