બ્રહ્મોસઃ બે પાકિસ્તાની મહિલાઓના સંપર્કમાં હતા DRDO કર્મચારી ATS પણ હેરાન

નવી દિલ્હીઃ મહારાષ્ટ્રના નાગપુરમાં રક્ષા સંરક્ષણ સંશોધન અને વિકાસ સંસ્થા(DRDO)ની બ્રહ્મોસ યૂનિટમાં નિશાંત અગ્રવાલને સુરક્ષાથી જોડાયેલ માહિતી પાકિસ્તાનની ગુપ્ત એજન્સી ISIને આપવાના આરોપમાં ઉત્તર પ્રદેશ એન્ટી ટેરર સ્ક્વોર્ડ(ATS) અને મિલિટરી ઇન્ટેલિજેન્સે મળીને ધરપકડ કરી છે.

યૂપી એટીએસના આઇજી અસીમ અરૂણે જણાવ્યું કે DRDOમાં કામ કરી રહેલ નિશાંત અગ્રવાલના કોમ્પ્યુટરમાંથી ઘણી સંવેદનશીલ જાણકારીઓ હાથ લાગી છે. તેમણે કહ્યું કે નિશાંત અગ્રવાલના કોમ્પ્યુટરથી તેમના પાકિસ્તાન સ્થિત આઇડી પર ફેસબુક દ્વારા ચેટિંગના પણ સબૂત હાથ લાગ્યા છે.
 

Brahmos engineer Nishant Agarwal who was arrested on charges of spying brought to his home in Nagpur by UP ATS for further investigation pic.twitter.com/Ve5eP2jv4K

— ANI (@ANI) October 8 2018

એટીએસના આઇજી અસીમ અરૂણે જણાવ્યું કે કેટલાક મહિના પહેલા એક બીએસએફ જવાનની ધરપકડ કરાઇ હતી અને તપાસ દરમિયાન ત્રણ ફેક એકાઉન્ટની માહિતી મળી જે પાકિસ્તાન આધારિત આઇડીથી ચાલતા હતા. તપાસમાં આ વાતની પુષ્ટિ થઇ છે કે નિશાંત અગ્રવાલ જે એક ઇન્જિનિયર છે તે પાકિસ્તાનના આઇપી એડ્રેસથી સંચાલિત થનાર ફેસબુક આઇડીથી ચેટિંગના માધ્યમથી સંપર્કમાં હતો.

આઇજી અરૂણે જણાવ્યું કે નાગપુર સિવાય આગરા અને કાનપુરમાં પણ રેડ કરાઇ છે. અમારૂ માનવું છે કે તેના લેપટોપથી જે સંવેદનશીલ જાણકારીઓ મળી છે તે તેની પાસે ન હોવી જોઇતી હતી.

જો કે યૂપી એટીએસના જણાવ્યા અનુસાર અત્યારે આ વાતની તપાસ કરવામાં આવી રહી છે આ સંવેદનશીલ જાણકારી પાકિસ્તાનની ગુપ્ત એજન્સી ISI સુધી પહોંચી છે કે નહીં. એટીએસ હની ટ્રૈપિંગના એન્ગલથી પણ મામલાની તપાસ કરવામાં આવી રહી છે. કારણ કે નિશાંત અગ્રવાલ કથિતરીતે બે મહિલાઓના સંપર્કમાં હતો જેના આઇપી એડ્રેસ પાકિસ્તાનના હતા.

નિશાંત અગ્રવાલ પર આરોપ છે કે તેમણે બ્રહ્મોસ મિસાઇલથી જોડાયેલી ટેક્નિકલ જાણકારી પાકિસ્તાની એજન્સીની સાથે શેર કરી હતી. નિશાંત અગ્રવાલ ઉત્તરાખંડના રહેવાસી છે અને છેલ્લા 4 વર્ષથી DRDOની નાગપુરના યૂનિટમાં કામ કરી રહ્યા છે. જો કે તેના પર ઓફિશિયલ સીક્રેટ એક્ટ હેઠળ ફરિયાદ દાખલ કરી પૂછપરછી કરવામાં આવી રહી છે.

ઉલ્લેખનીય છે કે સોમવારે સવારે યૂપી એટીએસની ટીમ નિશાંતના નાગપુર સ્થિત આવાસ પર તપાસ માટે પહોંચી અને મામલાની તપાસ સંબંધીત સામગ્રીઓ જપ્ત કરી. ત્યાં રવિવાર રાત્રે પણ આ ટીમે કાનપુરથી એક મહિલાની ધરપકડ કરી હતી. જો કે તેની પાસેથી કંઇ મળ્યું ન હતું.

મહત્વનું છે કે બ્રહ્મોસના એક મધ્યમ રેન્જની સુપરસોનિક ક્રૂઝ મિસાઇલ છે જેને ભારતે રશિયા સાથે મળીને બનાવી છે. આ મિસાઇલથી જોડાયેલ ખાસિયત એ છે કે તે જમીન સિવાય સબમરીન યુદ્ધજહાજ અને લડાકુ વિમાનથી લોન્ચ કરી શકાય છે. ભારત-રશિયાના સંયુક્ત ઉપક્રમ બ્રહ્મોસ એયરોસ્પેસ દ્વારા નિર્મિત આ મિસાઇલ દુનિયાની સૌથી તેજ ક્રૂઝ મિસાઇલમાંથી છે.