ICMR તરફથી આજે એક મહત્વપૂર્ણ જાહેરાત કરવામાં આવી હતી, જેના પ્રમાણે ભારતમાં કોરોના વાયરસના નવા સ્ટ્રેઇન જે યુકેનો નવો સ્ટ્રેઇન છે ના નમૂનાને સફળ રીતે સંવર્ધિત કરવામાં ભારતીય વૈજ્ઞાનિકોને સફળતા મળી છે. મહત્વનું છે કે આ પગલાથી ભારતમાં નવા સ્ટ્રેઇનની સામે રિસર્ચ કરવામાં અને વેક્સિન ડેવલપમેન્ટમાં મદદ મળી શકે છે.
કોરોનાના નવા સ્ટ્રેઇન સામે ભારતીય વિજ્ઞાનીઓની કામયાબી
ICMR દ્વારા અપાઈ જાણકારી, NIV માં વાયરસ સ્ટોર કરાયો
કોરોના નવા સ્ટ્રેઇન સામે વેક્સિન નિર્માણમાં મળી શકે છે મદદ
કોરોનાના નવા સ્ટ્ર્રેઇનની સામે ભારતના વિજ્ઞાનીઓને અદભુત સફળતા મળી છે. ભારતની ટોચની સંસ્થા ICMR દ્વારા જાણકારી શેર કરતા કહેવામાં આવ્યું છે કે કોરોનાના નવા સ્ટ્રેઈનને સફળતાપૂર્વક આઇસોલેટ કરવામાં અને તેના નમૂનાનું સફળતાપૂર્વક સંવર્ધન કરવામાં ભારતીય સંશોધકોને સફળતા મળી છે. માહિતી પ્રમાણે આ વાયરસને હાલમાં નેશનલ ઇન્સ્ટિટ્યૂટ ઓફ વાયરોલોજીની ફેસિલિટીમાં સફળતાપૂર્વક સ્ટોર કરી દેવામાં આવ્યો છે.
India successfully cultures the new viral strain on the horizon (UK-variant of SARS-CoV-2): Indian Council of Medical Research (ICMR) pic.twitter.com/9BRsmuRgsj
મહત્વની વાત એ છે કે ICMR દ્વારા અપાયેલી જાણકારી પ્રમાણે સાર્સ કોવ ડીના વાયરસને આ મહામારી શરુ થઈ ત્યારથી જ ICMR ની પ્રયોગશાળાઓના નેટવર્ક દ્વારા ટ્રેક કરવામાં આવી રહ્યું હતું, જેમાં નવો સ્ટ્રેઇન આવતા તેની અંદર જે જે પણ પરિવર્તન અથવા મ્યુટેશન થયા છે તે બધાની સાથે જ તેને સફળતાપૂર્વક આઇસોલેટ કરીને સંવર્ધિત કરી દેવામાં આવ્યો છે.
આ સફળતાની સૌથી મોટી ખૂબી એ છે કે હજુ સુધી બીજા કોઈ પણ દેશમાં નવા કોરોના સ્ટ્રેઇન ને આઇસોલેટ કરીને તેના નમૂનાને સ્ટોર કરી શકવાના મામલે કોઈ જાહેરાત કરવામાં આવી નથી, જેનો સીધો મતલબ એ થાય છે કે હજુ સુધી કોઈ દેશને આ સ્ટ્રેઇનને સ્ટોર કરવાની સફળતા મળી નથી, ત્યાં સુધી કે જ્યાથી આ વાયરસ ઉદ્ભવ્યો તે બ્રિટન અને જ્યા ફેલાયો તે ઓસ્ટ્રેલિયા, સાઉથ આફ્રિકા જેવા દેશોને પણ આ મામલે સફળતા મળી નથી અને આ સિદ્ધિથી ભારતીય સંશોધકો આ રેસમાં હાલ આગળ નીકળી ગયાનું માલૂમ પડે છે.
Vero cell ટેકનિકની મદદથી થયું આ કામ
ICMR દ્વારા માહિતી અપાઈ હતી કે આ વાયરસને સ્ટોર કરવા માટે Vero cell ટેકનોલોજીની મદદ લેવામાં આવી હતી. હવે આ નમૂનાથી નવા સ્ટ્રેઇનની ખૂબી અને ખામીઓ વિશે અભ્યાસ કરવામાં મદદ મળશે તે ચોક્કસ છે.