મોંઘવારીની માર સહન કરી રહેલા આમ આદમીને મંગળવારે વધુ એક મોટો ઝટકો લાગ્યો છે. રેલવેએ મુસાફરી ભાડામાં વધારો કર્યો છે. જનરલથી એસી ક્લાસ સુધીની મુસાફરી મોંઘી થઇ ગઇ છે. રેલવેએ પ્રતિ કિલોમીટર 01થી 04 પૈસા સુધીનો વધારો કર્યો છે.
રેલવેએ મુસાફરી ભાડામાં વધારો કર્યો છે
જનરલથી એસી ક્લાસ સુધીની મુસાફરી મોંઘી થઇ
ભાડામાં કરવામાં આવેલો વધારો 1 જાન્યુઆરી 2020થી લાગુ થશે
હવે યાત્રાળુઓએ પહેલાની તુલનામાં વધારે ભાડુ ચુકવવું પડશે. તેના કારણે લાંબા અંતરની મુસાફરી કરનારા યાત્રાળુઓ પર વધારે અસર પડશે. ભાડામાં કરવામાં આવેલો વધારો 1 જાન્યુઆરી 2020થી લાગુ થશે.
સાધારણ ટ્રેનોના નૉન એસી સેકન્ડ ક્લાસના ભાડામાં પ્રતિ કિલોમીટર 01 પૈસાનો વધારો કરવામાં આવ્યો છે. સ્લીપર ક્લાસમાં પણ 01 પૈસાનો વધારો કરવામાં આવ્યો છે. જ્યારે ફર્સ્ટ ક્લાસના ભાડામાં 1 પૈસાનો વધારો કરવામાં આવ્યો છે.
મેલ એક્સપ્રેસ ટ્રેનોના વધારવામાં આવેલા ભાડાની વાત કરીએ તો, સેકન્ડ ક્લાસ યાત્રાળુને પ્રતિ કિલોમીટર 2 પૈસા વધારે આપવા પડશે. સ્લીપર ક્લાસના ભાડામાં 2 પૈસા અને ફર્સ્ટ ક્લાસના ભાડામાં પણ 2 પૈસાનો વધારો કરવામાં આવ્યો છે.
Ministry of Railways: There shall be no fare hike for passengers over suburban sections & season ticket holders. Increase in fare per kilometre is 1 paisa for Ordinary non-AC classes, 2 paisa for Mail/Express trains in non-AC classes and 4 paisa in AC classes. https://t.co/3sd126ByQh
એસી ક્લાસની વાત કરીએ તો એસી ચેયર કારના ભાડામાં 04 પૈસા, એસી-3 ટીયર માટે 04 પૈસા, એસી-2 ટીયરના ભાડામાં 04 પૈસા અને એસી ફર્સ્ટ ક્લાસના ભાડામાં પણ 04 પૈસા પ્રતિ કિલોમીટરનો વધારો કરવામાં આવ્યો છે.
પહેલા બુક કરવામાં આવેલી ટિકિટો પર લાગૂ નહીં થાય
રિઝર્વેશન ચાર્જ, સુપરફાસ્ટ ચાર્જમાં કોઇ બદલાવ કરવામાં આવ્યો નથી. ભાડામાં કરવામાં આવેલો વધારો પહેલાથી જ બુક થઈ ચૂકેલી ટિકિટો લાગૂ નહીં થાય. ભાડામાં વધારો શતાબ્દી, રાજધાની ટ્રેનો માટે પણ લાગૂ પડશે.
પહેલા જ આપ્યો હતો સંકેત
રેલવે બોર્ડના ચેયરમેન વીકે યાદવે ગુરુવારે કહ્યું હતું કે, રેલવે યાત્રાળુ અને માલ ભાડાના દરોને તર્કસંગત બનાવવાની પ્રક્રિયા ચાલી રહી છે. જોકે, આ પ્રક્રિયા હેઠળ શું ભાડામાં વધારો કરવામાં આવશે, આ વિશે પૂછવા પર તેઓેએ ઇનકાર કરી દીધો હતો. યાદવે મીડિયા સાથેની વાતચીતમાં કહ્યું કે, ભારતીય રેલવેએ ઘટતી આવકને ધ્યાને લેતા ઘણા પગલા ઉઠાવ્યા છે.