સુરતમાં મોડલ રેલવે સ્ટેશનનો પ્રોજેક્ટ પડતો મૂકવામાં આવ્યો છે. ત્યારે પ્રશ્ન ઉઠી રહ્યા છે કે શું આ સપનું, સપનું જ રહી જશે? મોર્ડન રેલવે સ્ટેશન કેન્દ્ર સરકારનો મહત્વકાંક્ષી પ્રોજેક્ટ હતો. કેન્દ્ર સરકારના આ પ્રોજેક્ટમાં 1 હજાર કરોડથી વધુનો ખર્ચ થવાનો હતો. ત્યારે પ્રોજેક્ટ કોસ્ટ વધુ હોવાથી એક પણ કંપનીએ આ પ્રોજેક્ટમાં રસ નથી લીધો. ત્યારે હવે નવેસરથી ડિઝાઇન તૈયાર કરી અને કોસ્ટ ઘટાડવામાં આવશે.
MMHTનો ખર્ચ 1008 કરોડથી પણ વધુ પહોંચતો હતો
કોઈપણ કંપનીઓએ પ્રોજેક્ટમાં રસ નહોતો દાખવ્યો
પહેલી વાર કેન્દ્ર, રાજ્ય અને સ્થાનીક તંત્ર કામે લાગ્યુ હતુ
સુરતનો મહત્વનો પ્રોજેક્ટ MMHT (મલ્ટી-મોડલ ટ્રાન્સપોર્ટ હબ) નો ખર્ચ 1000 કરોડથી પણ વધુ પહોંચતો હતો. એટલે હાલ આ પ્રોજક્ટ ઉપર ફેરવિચારણા કરવામાં આવી રહી છે. આ પ્રોજેક્ટની મોટા ઉપાડે સરકારી જાહેરાતો કરવામાં આવી હતી પરંતુ કાગળ ઉપર જ પ્રોજેક્ટનો ખર્ચ જોઈને સરકારી તીજોરીના હાંજા ગગડી ગયા હતા. વળી જે કંપનીઓ આ પ્રોજેક્ટમાં રસ દાખવી રહી હતી તેમણે પણ મોઢુ ફેરવી લીધુ હતુ એટલે હવે પ્રોજેક્ટને રીડિઝાઈન કરવામાં આવશે.
ભારતીય રેલવે ગુજરાતમાં સુરત સ્ટેશનને વર્લ્ડ ક્લાસ રેલવે સ્ટેશનમાં પરિવર્તિત કરવા માટે તૈયાર હતુ એટલું જ નહી પરિવહનના તમામ સાધનોને એકીકૃત કરીને, આખી ઇમારત MMHT (મલ્ટી-મોડલ ટ્રાન્સપોર્ટ હબ) માં વિકસાવવામાંનો પ્રોજેક્ટ તૈયાર કરવામાં આવ્યો હતો.
કોણ કોણ હતા આ પ્રોજક્ટમાં સામેલ
ભારતીય રેલ્વેનું સેન્ટ્રલ રેલવે ઝોન Indian Railway Stations Development Corporation Limited (IRSDC), રાજ્ય સરકારનું ગુજરાત સ્ટેટ રોડ ટ્રાન્સપોર્ટ કોર્પોરેશન (Gujarat State Road Transport Corporation)(GSRTC) અને સુરત મનપા Surat Municipal Corporation (SMC) તેમની જમીનને પુરી પાડવા SITCO (Surat Integrated Transportation Development Corporation Limited) અને SPV (સ્પેશિયલ પર્પઝ વ્હીકલ) ભેગા મળીને આ કામ શરૂ કર્યુ હતુ.
કોણ કરે છે પ્રોજેક્ટનું સંચાલન
આ પ્રોજેક્ટનું સંચાલન IRSDC (ભારતીય રેલવે સ્ટેશન ડેવલપમેન્ટ કોર્પોરેશન) કરે છે.
શું હતો પ્રોજેક્ટ
સ્ટેશન બિલ્ડિંગને એમએમટીએચમાં રૂપાંતરિત કરવામાં આવશે અને તેમાં સ્કેકી રેલ્વે સ્ટેશન, બસ ટર્મિનલ, મોટા ટિકિટિંગ હોલ, વાઇડ સ્ટેશન લોબી, મોડ્યુલર પેસેન્જર ફ્રેન્ડલી કન્સર્સ, કનેક્ટિંગ બ્રિજ, રિટેલ અને અન્ય સુવિધાઓમાં વ્યાવસાયિક ટાવર્સમાં ઓફિસ જગ્યા હશે.
અત્યાર સુધીનો સૌથી મોંઘો પ્રોજેક્ટ
MMHT (મલ્ટી-મોડલ ટ્રાન્સપોર્ટ હબ) સુરત મેટ્રો, બીઆરટીએસ અને ઉપનગરીય નેટવર્ક સાથે જોડાયેલ હશે. અગાઉ IRSDCના એમડી એસકે લોહિયાએ જણાવ્યું હતું કે આ પ્રોજેક્ટ અત્યાર સુધીમાં સૌથી મોંઘા પ્રોજેક્ટ છે.
બીયુનો એરિયા વધારાયો
બીલ્ટઅપ એરિયા વધારીને 8.40 લાખ કરવામાં આવ્યો હતો. જેમાં 5.07 લાખ મુળ એરિયા સામેલ હતો. આ સિવાય ફાયર સેફ્ટી, પાર્કિંગ જેવા મુદ્દા પણ ખાસ ધ્યાનમાં રાખવામાં આવ્યા હતા.
રેલવે ક્વાર્ટરને ખસેડીને જગ્યા વધારાઈ
જમીનને વધારા માટે IRSDCના ક્વાર્ટરને ખસેડીને ઉધના લઈ જવામાં આવ્યા હતા જેને પગલે 3,54,864 ચો.મી. પ્રતિ, જમીન સ્તર પર પ્રસ્તાવિત વ્યાપારી વિસ્તાર વધારીને 7,84,596 ચોરસમીટર કરવામાં આવ્યો છે.
પ્રોજેક્ટની કિંમત રૂા. 1008 કરોડથી ઘટાડીને 895 કરોડ કરાઈ
સુરતના MMHT પ્રોજેક્ટ્સની અંદાજિત કિંમત, જેના માટે કેન્દ્ર, રાજ્ય સરકાર તેમજ શહેરી સ્થાનિક મનપા જમીનને પુરી પાડવા માટે પ્રથમવાર સાથે મળીને કામ કરે છે, રૂ. 1008 કરોડથી ઘટાડી રૂ. 895 કરોડની થઈ છે.