ચિનાબ બ્રિજ વાદળો ઉપર બાંધવામાં આવ્યો હોય આવું દૃશ્ય જોઈને તમે આશ્ચર્યચકિત થઇ જશો. આ પુલને બનાવવામાં લગભગ 18 વર્ષનો સમય લાગ્યો છે.
ચિનાબ બ્રિજનો આહલાદક નઝારો
ભારતીય રેલ્વે શેર કર્યા ફોટોસ
બ્રીજ બનતા 18 વર્ષ લાગ્યા
ભારતમાં ઘણા એવા બાંધકામો છે જે અજાયબીથી ઓછા નથી ત્યારે ભારતીય રેલવે દ્વારા શેર કરવામાં આવેલી તસવીરો કોઈ સ્વર્ગમાં જાવ તેવી જોવા મળી છે. ચિનાબ બ્રિજ વાદળો ઉપર બાંધવામાં આવ્યો હોય આવું દૃશ્ય જોઈને તમે આશ્ચર્યચકિત થઇ જશો. આ પુલને બનાવવામાં લગભગ 18 વર્ષનો સમય લાગ્યો છે. આ પ્રોજેક્ટ ડિસેમ્બર 2022 સુધીમાં પૂર્ણ થશે.
359 મીટર ઉચાઈ
આ રેલવે બ્રિજની ઊંચાઈ ચિનાબ નદીના તળિયેથી 359 મીટરની ઊંચાઈ ધરાવે છે, જે પોતાનામાં જ એક વર્લ્ડ રેકોર્ડ છે. તે ઉધમપુર, શ્રીનગર, બારામુલ્લા રેલ લિંક પ્રોજેક્ટનો ભાગ છે. જે દિલ્હીના કુતુબ મિનાર કરતા પાંચ ગણો વધારે છે. તે ફ્રાંસના આઈફિલ ટાવરથી 35 મીટર વધારે છે. આ પુલના નિર્માણ સાથે જ કાશ્મીરથી કન્યાકુમારી સુધી ભારતીય રેલવે નેટવર્કને જોડવામાં આવ્યું છે. એટલે કે હવે રેલવે દ્વારા કાશ્મીરથી કન્યાકુમારી સુધીની યાત્રા શક્ય બનશે
1,486 કરોડ રૂપિયાનો ખર્ચ
ભારત સરકારના જણાવ્યા અનુસાર ચિનાબ બ્રિજ બનાવવાનો ખર્ચ 1,486 કરોડ રૂપિયા છે. આ પુલ બનાવવામાં ઘણી સમસ્યાઓ આવી હતી અને આ પુલ બનાવવો સહેલો નહોતો. આ પુલ પર્વતોથી ઘેરાયેલો છે. આ પુલ બનાવવા માટે હવામાન સૌથી મોટો પડકાર હતો. કારણ કે પુલની આસપાસ 100થી 150 કિલોમીટર પ્રતિ કલાકની ઝડપે પવન ફૂંકાય છે. એટલા માટે આ પુલને એટલો મજબૂત બનાવવામાં આવ્યો છે કે 260 કિલોમીટર પ્રતિ કલાકની હવાથી કોઈ નુકસાન નથી થતું. તેની ઉંમર 100 વર્ષથી વધુ હોવાનો અંદાજ છે. આ પુલને કોઈ પણ રીતે કાટ લાગી શકે તેમ નથી.
ભૂકંપનો સામનો કરી શકે છે
ચિનાબ નદી પર બનેલો આ ભવ્ય પુલ બ્રિજ એન્જિનિયરિંગનો બેજોડ નમૂનો છે. આ પુલ સ્ટ્રક્ચરલ સ્ટીલનો બનેલો છે. તે માઇનસ 10 ડિગ્રીથી 40 ડિગ્રી સેલ્સિયસ સુધીના તાપમાનનો સામનો કરી શકે છે. ભૂકંપ અને વિસ્ફોટોથી આ પુલને નુકસાન નહીં થાય. સેના અને સુરક્ષાદળો પણ તેનો ઉપયોગ કરી શકશે.
2002માં બાંધકામ શરુ થયું હતું
ચિનાબ પુલનું નિર્માણ 2002 માં શરૂ થયું હતું. પરંતુ 2008માં તેનું કામ બંધ કરી દેવામાં આવ્યું હતું, જે 2010માં ફરી શરૂ કરવામાં આવ્યું હતું. 13 સપ્ટેમ્બરે રેલવે મંત્રાલયે ચિનાબ બ્રિજની ઘણી તસવીરો ટ્વિટર પર શેર કરી હતી. આ પુલ આ વર્ષે ડિસેમ્બરથી રેલ્વે ટ્રાફિક માટે ખુલશે તેવી સંભાવના છે. આ તસવીરોમાં તમે વાદળોની વચ્ચેથી પુલને ડોકિયું કરતો જોઇ શકો છો. આ ખૂબ જ સુંદર નજારો છે.