ફિલ્મ અને વિવિધ કાર્યક્રમ જોવાના શોખીન લોકો માટે સારાં સમાચાર છે. ભારતીય રેલ્વે મુસાફરો માટે સારાં સમાચાર લઈને આવ્યું છે. હવે તમે ટ્રેનમાં ટ્રાવેલ કરતી વખતે પણ ફ્રીમાં તમારી પસંદગીની ફિલ્મો જોઈ શકશો. તેના માટે તમારે એક પણ રૂપિયાનો ખર્ચ નહીં કરવો પડે અને મોબાઈલનો ડેટા પણ બચશે. હાલમાં જ ભારતીય રેલ્વેએ 'એન્ટરટેનમેન્ટ ઓન ડિમાન્ડ' નામથી એક ખાસ સુવિધા શરૂ કરી છે.
રેલ્વેના મુસાફરો માટે કામના સમાચાર
હવે મુસાફરી દરમિયાન ફ્રીમાં જોવા મળશે ટીવી
પસંદગીની ફિલ્મો અને કાર્યક્રમ જોઈ શકાશે
ટૂંક સમયમાં આ યોજના પર કામ થશે શરૂ
મીડિયા રિપોર્ટ્સ મુજબ, આ યોજના માટે ટેન્ડર ઓપન થઈ ગયા છે. તેની પર બોલીનું મૂલ્યાંકન ચાલી રહ્યું છે. આ પ્રક્રિયા એક મહિનાની અંદર પૂરી કરી દેવામાં આવશે, એટલે કે એક મહિનાની અંદર તમે ટ્રેનોમાં ફ્રીમાં મૂવી, સીરિયલ, ગીત અથવા ભક્તિ સંગીતથી જોડાયેલા કાર્યક્રમ જોઈ શકશો. હાલ 'એન્ટરટેનમેન્ટ ઓન ડિમાન્ડ' સુવિધા અમુક જ ટ્રેનમાં શરૂ કરવામાં આવશે.
4 કલાકથી લાંબી મુસાફરીવાળી ટ્રેનોમાં મળશે આ સુવિધા
રેલ્વે બોર્ડના અધ્યક્ષ વિનોદ કુમાર યાદવે કહ્યું, એક મહિનાની અંદર આ યોજના પર કામ શરૂ થઈ જશે. યાદવે જણાવ્યું કે, આ સુવિધા દેશની દરેક ટ્રેનમાં લાગુ કરવાની મંજૂરી મળી ગઈ છે. શરૂઆતમાં આ યોજના 4 કલાકથી લાંબી મુસાફરીવાળી ટ્રેનોમાં શરૂ કરવામાં આવશે. હાલ મુસાફરી દરમિયાન લોકોને હાઈ સ્પીડ ઈન્ટરનેટ મળતું નથી.
10 વર્ષ માટે થશે કોન્ટ્રાક્ટ
આ કોન્ટ્રાક્ટ 10 વર્ષ માટે થશે. પ્રથમ તબક્કામાં 1516 જોડી મેલ અને એક્સપ્રેસ ટ્રેનોમાં શરૂ કરવામાં આવશે. 2 વર્ષની અંદર સમગ્ર દેશની ટ્રેનોમાં આ સુવિધા શરૂ કરી દેવામાં આવશે.