વાયરલ / 31 માર્ચ 2021 સુધીની બધી ટ્રેન રદ્દ થઈ ગઈ છે, જાણો શું કહ્યું રેલવે મંત્રાલયે 

• રેલવે મંત્રાલયે કરી મોતઇ સ્પષ્ટતા 
• વાયરલ થયેલી ખબર ખોટી છે 
• ગત વર્ષના સમાચાર છે જે ફરીથી વાયરલ થયા છે

ભારતીય રેલ્વેએ 31 માર્ચ 2021 સુધી તમામ ટ્રેનોને રદ કરી દીધી છે, આવી માહિતી અંગેની એક વીડિયો ક્લિપ સોશિયલ મીડિયા પર વાયરલ થઈ રહી છે. આના પર રેલ્વે મંત્રાલયે સ્પષ્ટ કર્યું છે કે આ સમાચાર સંપૂર્ણપણે ગેરમાર્ગે દોરનારા અને ખોટા છે. સોશિયલ મીડિયા પર ખોટા સમાચાર વાયરલ થઈ રહ્યા છે, સાથે એમ પણ કહ્યું કે આ વીડિયો પાછલા વર્ષનો છે, જે હવે ફરીથી વાયરલ થઈ રહ્યો છે.

રેલ્વે મંત્રાલયે કહ્યું, પ્રવાસ દરમિયાન કોવિડ પ્રોટોકોલ ધ્યાનમાં રાખજો

રેલ્વે મંત્રાલયે કહ્યું કે ટ્રેનો રદ કરવાની કોઈ જાહેરાત કરવામાં આવી નથી. હાલમાં, એક્સપ્રેસ ટ્રેન અને સબ-અર્બન ટ્રેનોને વિશેષ ટ્રેનો તરીકે ચલાવવામાં આવી રહી છે. તેમની કાર્યપ્રણાલી કોઈ પ અવરોધ વગર ચાલુ જ રહેશે, તેમજ મંત્રાલયે મુસાફરોને વિનંતી કરી છે કે તેઓ ટ્રેનમાં મુસાફરી દરમિયાન કોવિડ પ્રોટોકોલનું સંપૂર્ણ પાલન કરે. દરમિયાન, ભાજપના સાંસદ રામ કૃપાલ યાદવે કહ્યું છે કે, ભારતીય રેલ્વેએ કોરોના સંકટ સમયે 43 લાખ પ્રવાસી શ્રમિકોને તેમના ઘરે પહોંચાડવાની સાથે જ બે કરોડ ફૂડ પેકેટને મફત વિતરિત કર્યા હતા. તે જ સમયે, સેંકડો ડબ્બાને હેલ્થકેર સેન્ટરોમાં રૂપાંતરિત કરવા માટે ઉપલબ્ધ કરાવ્યા હતા.

एक खबर में दावा किया जा रहा है कि 31 मार्च तक सभी ट्रेनें रद्द कर दी गई हैं। #PIBFactCheck: यह खबर पुरानी है। @RailMinIndia ने 31 मार्च, 2021 तक ट्रेन रद्द करने का यह फैसला नहीं लिया है। इस पुरानी खबर को गलत संदर्भ में साझा किया जा रहा है। pic.twitter.com/YcZ8Za9Vj1

— PIB Fact Check (@PIBFactCheck) March 15, 2021

તપાસ બાદ પીઆઈબીએ શું લખ્યું?

કેન્દ્ર સરકારના પ્રેસ ઇન્ફર્મેશન બ્યુરોએ વાયરલ થયેલા વીડિયોની તપાસ કર્યા પછી ટ્વીટ કર્યું છે કે આ સમાચાર સંપૂર્ણપણે ખોટા અને ભ્રામક છે. ભારતીય રેલ્વે અથવા રેલ્વે મંત્રાલય દ્વારા આવી કોઈ જાહેરાત કરવામાં આવી નથી. પીઆઈબીએ લખ્યું, 'એક સમાચારમાં દાવો કરવામાં આવી રહ્યો છે કે 31 માર્ચ સુધી બધી ટ્રેનો રદ કરવામાં આવી છે. આ સમાચાર જૂના છે. રેલ્વે મંત્રાલયે 31 માર્ચ 2021 સુધી ટ્રેન રદ કરવાનો આ નિર્ણય લીધો નથી. આ જૂના સમાચાર ખોટા સંદર્ભમાં શેર કરવામાં આવી રહ્યા છે.

IRCTC એ લક્ઝરી ટ્રેન Golden Chariot  શરૂ કરી છે 

ભારતીય રેલ્વેની પેટાકંપની IRCTC એ 14 માર્ચથી Golden Chariot શરૂ કરી છે. કર્ણાટક રાજ્ય પર્યટન વિકાસ નિગમ (KSTDC) દ્વારા સંચાલિત આ ટ્રેનને મુસાફરોની અછતને કારણે 2020 માં અસ્થાયી રૂપે બંધ કરી દેવામાં આવી હતી. હવે તે ફરી શરૂ કરવામાં આવી છે. આ ટ્રેન બેંગલોરથી શરૂ થશે અને તમિલનાડુ, કર્ણાટક, કેરળ અને ગોવા થઈને બેંગલોર પરત આવશે. Golden Chariot ગાદીવાળાં ફર્નિચર, નવીનીકૃત ઓરડાઓ અને બાથરૂમ, નવા શણ અને કટલરીથી સજ્જ છે. આ લક્ઝરી ટ્રેનમાં વાઇ-ફાઇ સુવિધા સાથે સ્માર્ટ ટીવી પણ છે.