ભારતીય રેલવેએ ટ્રેનોમાં ઈ કેટરિંગ સેવાને ફરી ચાલુ કરી દીધી છે. જોરે આ સુવિધા કેટલાક પસંદગી પામેલા સ્ટેશનો પર જ શરુ કરવામાં આવશે. જે સ્ટેશનો પર ઈ કેટરિંગની સેવા આપવામાં આવશે. ત્યાં કેન્દ્ર અને સંબંધિત રાજ્ય સરકારોના સ્વાસ્થ્ય સંબંધી તમામ નિયમોનું પાલન કરવામાં આવશે. ઉલ્લેખનીય છે કે કોરોના મહામારીને જોતા સ્વાસ્થ્ય મંત્રાલય દ્વારા જારી ગાઈડલાઈન્સને જોતા ટ્રેનમાં જમવાનું બનાવવુ, એસી બોગીઓમાં કંબલ, તકિયા અને ચાદરની સર્વિસ બંધ કરી દેવામાં આવી હતી. પરંતુ હવે ભારતીય રેલવેએ ટ્રેનોમાં ઈ કેટરિંગ સેવાઓને ફરી શરુ કરવાની પરવાનગી આપી છે.
પ્રવાસીએ ક્યાંય જવાની જરુર નહીં પડે
ડિલીવરી સ્ટાફ માટે દિશાનિર્દેશ નક્કી કરાયા
ઈ -કેટરિંગ સેવાઓને ફરી શરુ કરવાની પરવાનગી આપી
પ્રવાસીએ ક્યાંય જવાની જરુર નહીં પડે
IRCTCની આ સુવિધાના માધ્યમથી પ્રવાસી ઓનલાઈન જ પસંદીદા રેસ્ટોરન્ટથી પોતાનું જમવાનું ઓર્ડર કરી શકે છે. ઓર્ડર કરવાના સમયે પ્રવાસીઓએ એ જણાવી દેવામાં આવશે કે તેમનું ભોજન કયા સ્ટેશન પર અને કેટલા સમયમાં પહોંચાડી દેવામાં આવશે. પ્રવાસીએ ક્યાંય જવાની જરુર નહીં પડે.
ઈ -કેટરિંગ સેવાઓને ફરી શરુ કરવાની પરવાનગી આપી
ઉલ્લેખનીય છે કે IRCTCએ રેલ મંત્રાલયથી પસંદીદાર રેલવે સ્ટેશનો પર ઈ કેટરિંગ સેવા શરુ કરવાની પરવાનગી માંગી હતી. જેને રેલ મંત્રાલયે સ્વીકાર કરી લીધી છે. IRCTC જાન્યુઆરી 2021ના અંતિમ અઠવાડિયાથી સંચાલિત કરવા તૈયાર છે. ભારતીય રેલવેએ ટ્વીટ કરી આ વાતની જાણકારી આપી છે. રેલવેએ ટ્વીટમાં કહ્યું છે કે રેલવેએ પસંદગી પામેલા રેલવે સ્ટેશનો પર ઈ -કેટરિંગ સેવાઓને ફરી શરુ કરવાની પરવાનગી આપી છે.
નિર્દેશોનું કડકાઈથી પાલન થશે
કંપનીએ કડક દિશાનિર્દેશો આપ્યા છે જેમાં પરિચાલન દરમિયાન અનેક રેસ્ટોરન્ટ કર્મચારીઓ અને ડિલીવરીકર્મીઓનું થર્મલ સ્ક્રિનિંગ, નિયમિત અંતરાલ પર રસોઈની સફાઈ, રેસ્ટોરાના કર્મચારીઓ અને ડિલીવરી કર્મીઓ દ્વારા સુરક્ષાત્મક ફેસ માસ્ક અથવા ફેસ શીલ્ડનો ઉપયોગ સામિલ છે. સાથે એમ પણ કહ્યું છે કે ભોજન ત્યારે જ તૈયાર કરવામાં આવે જ્યારે શરીરનું તાપમાન 99 ડિગ્રી Fથી ઓછુ હોય.
ડિલીવરી સ્ટાફ માટે દિશાનિર્દેશ
ડિલીવરી સ્ટાફ માટે દિશાનિર્દેશ પણ સારી રીતે નિર્ધારિત કરવામાં આવ્યા છે અને તેનું પાલન કરવામાં આવવું જોઈએ. આમાં હાથ ધોયા બાદ જ ઓર્ડર લેવો, ડિલીવરી કર્મીઓ દ્વારા આરોગ્ય સેતુ એપ ફરજિયાત ઉપયોગમાં લેવી, ઝીરો હ્યૂમન કોન્ટેક્ટ સુનિશ્ચિત કરવા માટે કોન્ટેક્ટલેસ ડિલીવરી, પ્રોટેક્ટિવ ફેસ માસ્ક અથવા કવરને સતત ઉપયોગ તથા ડિલીવરી બાદ ડિલીવરી બેગને સેનેટાઈજેશન સામિલ છે.